ރައްޔިތުންގެ މަޖިލީހުގެ މިއަދުގެ ޖަލްސާ ފެށުމަށް ބޭނުންވާ ކޯރަމް ހަމަނުވުމުން ޖަލްސާ ފެށުން ފަސްކޮށްފި އެވެ.
މަޖިލީހުގެ މިއަދުގެ ޖަލްސާ ފެށުމަށް އެޖެންޑާކޮށްފައި އޮތީ ހެނދުނު 10:30 ގަ އެވެ.
"މިއަދުގެ ޖަލްސާއަށް އަޅުގަނޑުމެންނަށް އަދިވެސް ކޯރަމް ނުލިބޭ. އަޅުގަނޑު 15 މިނެޓަށް ބަލާލައިފިން،" މަޖިލީހުގެ މިއަދުގެ ޖަލްސާގައި ރިޔާސަތުގައި އިންނެވި މަޖިލީހުގެ ރައީސް މުހައްމަދު އަސްލަމް ވިދާޅުވި އެވެ.
އަސްލަމް ވިދާޅުވީ 11:00 ގައި ޖަލްސާ ފެށޭތޯ މަސައްކަތް ކުރައްވާނެ ކަމަށެވެ. 11:00 ގައި ކޯރަމް ހަމަނުވާނަމަ ޖަލްސާ ނިންމާލައްވާނެ ކަމަށްވެސް އަސްލަމް ވިދާޅުވި އެވެ.
އެ ގަޑީގައި ޖަލްސާ ފެށުމަށް ކޯރަމް ހަމަކުރެއްވުމަށް ޕާޓީތަކުގެ ލީޑަރުން މަސައްކަތް ކުރެއްވުމަށް އަސްލަމް އެދިވަޑައިގެންނެވި އެވެ.
