ހދ. ނޮޅިވަރަމުގައި ސައިކަލާއެކު މޫދަށް ވެއްޓުނު ޒުވާނަކު މަރުވެއްޖެ އެވެ.
މިހާދިސާގައި ރޭގެ ވަގުތެއްގައި މަރުވެފައި ނޮޅިވަރަމަށް ނިސްބަތްވާ 32 އަހަރުގެ ޒުވާނެކެވެ.
ފުލުހުން ބުނީ އޭނާ މަރުވީ މިހާދިސާއަށްފަހު ނޮޅިވަރަމް ސިއްހީ މަރުކަޒަށް ގެންގޮސް ފަރުވާ ދެމުން ދަނިކޮށް ކަމަށެވެ.
ޒުވާނަށް ސިއްހީ މަރުކަޒުގައި ފަރުވާ ދެމުންދާ ކަމަށް ފުލުހުންނަށް ރިޕޯޓްކުރީ ރޭ 9:15 ހާއިރު ކަމަށްވެސް ފުލުހުން މައުލޫމާތު ދީފައިވެ އެވެ.
މިހާދިސާ ހިނގަން މެދުވެރިވި ސަބަބެއް އަދި މިހާދިސާއަށްފަހު ޒުވާނާއަށް ލިބުނު އަނިޔާއާ ގުޅޭގޮތުން ފުލުހުން އެއްވެސް މައުލޫމާތެއް ހާމައެއް ނުކުރެ އެވެ. އެކަމަކު މައްސަލަ ތަހުގީގު ކުރަމުންދާ ކަމަށްވެސް ބުންޏެވެ.