މާލޭގެ އަމީނީ މަގުގައި ހިންގާ ކޭއެފްސީގެ ބިއްލޫރިގަނޑެއް ތަޅާލައި އެ ތަނަށް ގެއްލުން ދީފި އެވެ.
ފުލުހުން ބުނީ މިމައްސަލަ ރިޕޯޓްކޮށްފައިވަނީ ރޭ މެންދަމު 3:00 އެހާއިރު ކަމަށެވެ.
މިމައްސަލައިގެ ތުހުމަތުގައި އެއްވެސް މީހަކު ހައްޔަރުކުރި ކަމަކަށް ފުލުހުން ނުބުނެ އެވެ. ނަމަވެސް މައްސަލަ ތަހުގީގުކުރަމުންދާ ކަމަށް ބުންޏެވެ.
ކޭއެފްސީއަށް ގެއްލުން ދީފައި މިވަނީ އިޒްރޭލުން ފަލަސްތީންގެ ޣައްޒާގައި ހިންގަމުންދާ ގަތުލުއާންމާ ދެކޮޅަށް ކޭއެފްސީގެ ކުރިމަތީގައި އެތައް ފަހަރު ބަޔަކު މުޒާހަރާކުރި ފަހުންނެވެ. މީގެކުރިން ކޭއެފްސީ ތެރެއަށް ބަޔަކު ކަޅުތެޔޮ ޖަހާފައިވެސް ވެއެވެ.
ބައިނަލްއަގްވާމީ ބްރޭންޑެއް ކަމަށްވާ ކޭއެފްސީގެ މެނޭޖްމަންޓަކީ އިޒްރޭލުގެ އަނިޔާވެރިކަމަށް ތާއީދު ކުރާ ބައެއް ކަމަށް ބައެއްް މީހުން ތުހުމަތު ކުރެ އެވެ.