ހިތްކިޔާ އަންހެން ކުއްޖަކު ނޫނެކޭ ބުނެގެން އެކަމާ ދެރަވެގެން ބޯބޭލި ކަމަށް ބޮލީވުޑްގެ މަޝްހޫރު ސްޕަސްޓާ އާމިރު ޚާން ބުނެފި އެވެ.
އާމިރު މި ވާހަަކައެއް ދައްކާފައި މިވަނީ އޭނާ މީގެ އަހަރުތަކެއް ކުރިން 1984 ވަނަ އަހަރު ބޯ ބޭލީ އެ އަހަރު އޭނާ ކުޅެފައިވާ ފިލްމު "ހޯލީ"އަށް ކަމަށް ބައެއް މީހުން ބުނެފައި ވަނިކޮށެވެ.
ނަމަވެސް "ރެންޑަވޯސް ވިތް ސިމީ ގަރެވަލް"ޝޯގައި ވާހަކަދައްކަމުން އާމިރު ބުނީ އެއީ މުޅިން ހަގީގަތެއް ނޫން ކަމަށެވެ. ހޯލީއަށް ބާ ބާލާފައި ނުވާނެ ކަމަށާއި އެކަމަކު އޭނާ ވަރަށް ގަޔާވި އަންހެން ކުއްޖަކު ނޫނެކޭ ބުނުމުން އެ ދުވަސްވަރު ބޯ ބޭލި ކަމަށެވެ.
އެކަމަކު ލޯބިވެރިޔާގެ ވަނަވަރު އަދި އެންމެ ކުޑަމިނުން އޭނާގެ ނަން ވެސް އާމިރު ބުނެފައެއް ނުވެ އެވެ. އެކުގައި އުޅުމަށްފަހު އެ އަންހެން ކުއްޖާ ދިއުމުން އެ ނިންމުމަށް އިހުތިރާމް ކުރި ކަމަށްވެސް އާމިރު ބުންޏެވެ.
އާމިރު ޚާން އަކީ އޭނާ ކުޅޭ ފިލްމުތަކުގައި ދައްކަންޖެހޭ ކެރެކްޓާއާ އެއްގޮތަށް ހަށިގަނޑާއި ސިފައަށް ބޮޑެތި ބަދަލުތައް ގެންނަ ކަމަށް މަޝްހޫރު ފަންނާނެކެވެ.