ޒުވާން އަންހެން ކުއްޖެއްގެ ނޭވާ ހޮޅިން ޕިނެއް ނަގައިފި އެވެ.
އައިޖީއެމްއެޗްގެ ޑޮކްޓަރުންގެ މަސައްކަތުން މި ޕިން ނަގާފައިވަނީ އިއްޔެގެ ވަގުތެއްގައެވެ.
މިހާދިސާއާ ގުޅިގެން ޑޮކްޓަރު މުހައްމަދު އިސްމާއީލް އެކްސްގައި ކުރެއްވި ޕޯސްޓެއްގައި ވަނީ މިފަދަ ހާދިސާތަކުން ދުރުވުމަށްޓަކައި ބުރުގާ ނުވަތަ ޝޯލް އަޅާއިރު އަނގަޔަށް ޕިން ނުލުމަށް އެދިވަޑައިގެންފަ އެވެ.
މުހައްމަދު އިސަމާއިލް ހިއްސާ ކުރެއްވި އެކްސްރޭގެ ފޮޓޯތަކުގައި ނޭވާ ހޮޅިތެރޭގައި ޕިން ތާށި ވެފައި އޮއްވާ ފެނެ އެވެ. ނޭވާ ހޮޅިން ޕިން ނެގުމަށްފަހު އޭގެ ބޮޑުމިން އެނގޭ ގޮތަށްވެސް ޑޮކްޓަރު ވަނީ ފޮޓޯއެއް ހިއްސާކޮށްފަ އެވެ.
އައިޖީއެމްއެޗްގެ ޑޮކްޓަރުން މީގެކުރިން ވަނީ 10 އަހަރުގެ ކުއްޖެއްގެ ނޭވާ ހޮޅިންނާއި އަދި 19 އަހަރުގެ އަންހެން ކުއްޖެއްގެ ބަނޑުންވެސް ޕިނެއް ނަގާފަ އެވެ.