ދިރާގުގެ އާ ޕާޓްނާ ޝޮޕެއް ހުޅުމާލެ ފޭސް 2 ގައި ހުޅުވައިފި އެވެ.
ދިރާގާއި އޯއޭސެސް މޯލްޑިވްސް ޕްރައިވެޓް ލިމިޓެޑްގެ ޕާޓްނަޝިޕްގެ ދަށުން ހުޅުމާލޭ ހިޔާ ފްލެޓް 5 (އެޗް5-ޖީ-01) ގައި ހުންނަ އޯއޭސެސް މޯލްޑިވްސް ފިހާރައިން ދިރާގުގެ ހިދުމަތްތައް ލިބޭނެ އެވެ.
ދިރާގުން ބުނި ގޮތުގައި މި އާ ޕާޓްނަ ޝޮޕްގެ ސަބަބުން ހުޅުމާލެ ފޭސް 2 ގައި ދިރިއުޅޭ ބޮޑު އާބާދީއަށް އިތުރު ލުއި ފަސޭހަތަކެއް ލިބިގެންދާނެ އެވެ. މިއާއެކު މި ސަރަޙައްދުގައި ދިރިއުޅޭ ރައްޔިތުންނަށް ފަސޭހަކަމާއެކު ދިރާގުގެ ހިދުމަތްތައް ހޯދޭނެކަމަށް އެ ކުންފުނިން ބުނެ އެވެ.
ދިރާގު ކަސްޓަމަރުންނަށް ޕާޓްނާ ޝޮޕުން ލިބޭނެ ހިދުމަތްތައް
- ޕޯސްޓްޕެއިޑް އަދި ފައިބާ ބްރޯޑްބޭންޑް ހިދުމަތުގެ ބިލް ދެއްކުން
- ޕްރީޕެއިޑް، ޕޯސްޓްޕެއިޑް، މޮބައިލް ބްރޯޑްބޭންޑް އަދި ބްލޭންކް ސިމް ކާޑު ގަތުން
- ޕްރީޕެއިޑް ޕްލޭންތަކުގެ ރީޗާޖް ހިދުމަތް
- ޑޭޓާ އެޑް-އޮން ސަބްސްކްރިޕްޝަން ނެގުން
ރާއްޖޭގައި ދިރިއުޅޭ މީހުންގެ ދިރިއުޅުން މުއްސަނދިކޮށް، އެކި މުޖުތަމައުތަކުގެ ރައްޔިތުންނަށް އަވަސް، ފަސޭހަ ހިދުމަތެއް ފޯރުކޮށްދިނުމަށް ދިރާގުން އަބަދުވެސް މަސައްކަތް ކުރެ އެވެ.