ކުޅުދުއްފުށީގައި ހަދަމުންދާ ބޯޓު ޔާޑުން މި މަހުގެ ތެރޭގައި ހިދުމަތް ދޭން ފެށޭނެ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފި އެވެ.
އެ ކުންފުނީގެ ސީއީއޯ މުހައްމަދު ވަޖީހާއި އިތުރު ބައެއް ބޭފުޅުން ވަނީ ބޯޓު ޔާޑުގައި މަސައްކަތް ކުރިއަށްދާ ގޮތް ބައްލަވާލާފަ އެވެ. އަދި އެ މަޝްރޫއުގެ 95 ޕަސަންޓު މަސައްކަތް ނިމިފައި ކަމަށް އެމްޕީއެލް އިން ބުނެ އެވެ.
ކުޅުދުއްފުށީގައި ހަދަމުންދާ ބޯޓު ޔާޑުގައި ކުންފުނީގެ ބައެއް އިސްވެރިން -- ފޮޓޯ: އެމްޕީއެލް
އެމްޕީއެލް އިން މިއަދު ބުނީ ބޯޓު ޔާޑަށް ބޭނުންވާ މުވައްޒަފުން ހޯދަން އިއުލާނުކޮށް، ވަރަށް އަވަހަށް ހިދުމަތް ދޭން ފަށާނެ ކަމަށެވެ.
މި މަޝްރޫއުގެ އިތުރުން އުތުރުގައި ބަންކަރިންގެ ހިދުމަތް ފެށުމަށް ބޭނުންވާ ބޯޓުތައްވެސް ވަނީ ކުޅުދުއްފުށި ޕޯޓަށް ގެންގޮސްފަ އެވެ.