މާލޭގެ އިންޑަސްޓްރިއަލް ޒޯނުގައި ހެވީ ވެހިކަލް ޕާކްކުރުމަށް ޖާގަ ކުއްޔަށް ދޭން ނިންމައިފި އެވެ.
މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނީ ހެވީ ވެހިކަލްތަކަށް ހާއްސަކޮށްގެން ޕާކިން ސަރަހައްދެއް ތަރައްގީކޮށް، އެތަނުން ޖާގަ ކުއްޔަށް ދިނުމަށް ނިންމާފައިވާ ކަމަށެވެ.
އެމްޕީއެލް އިން ކުރި އިއުލާނެއްގައި ވަނީ މި މަހުގެ 15ވަނަ ދުވަހުން ފެށިގެން އެ ޒޯނުން ސްލޮޓުތައް ކުއްޔަން ދޭނެ ކަމަށް ބުނެފަ އެވެ.
ކުއްޔަށް ދޭ އަގުތައް
- ކޮމާޝަލް ހާބަރުގައި ރަޖިސްޓްރީކޮށްފައިވާ އުޅަނދުތައް - 2،000 ރުފިޔާ
- ބައުޒަރު - 4،000 ރުފިޔާ
- ކްރޭން - 6،000
- އެހެނިން ވެހިކަލް - 4،000
މި ސްލޮޓުތައް ގަންނަން ބޭނުންވާނަމަ ލިޔުމެއް ހުށަހެޅުމަށް އެމްޕީއެލް އިން ވަނީ އެދިފަ އެވެ.
އިންޑަސްްޓްރިއަލް ޒޯނުގައި ވެހިކަލް ޕާކުކުރުމަށް ސްލޮޓު ކުއްޔަށް ދޭން ނިންމާފާވާއިރު، މިދިޔަ މަހުގެ ތެރޭގައި ސިވިލް ކޯޓުން ވަނީ އެ ޒޯނު ހައުސިން މިނިސްޓްރީއަށް ހަވަލުކުރުމަށް މާލޭ ސިޓީ ކައުންސިލުގެ މައްޗަށް އަމުރުކޮށްފަ އެވެ.