އައިޖީއެމްއެޗްގައި ޑިއުޓީއަށް ހުރި ފުލުހަކަށް ހަމަލާދިން މީހަކު ހައްޔަރުކޮށްފި އެވެ.
އައިޖީއެމްއެޗްގައި ޑިއުޓީގައި ހުރި ފުލުހަކަށް ހަމަލާދިނީ އަބްދުﷲ އިބްރާހީމް ކިޔާ އުމުރުން 43 އަހަރުގެ މީހެކެވެ.
އޭނާ ހައްޔަރުކޮށް ކޯޓަށް ހާޒިރުކުރުމުން ހަތް ދުވަހު ބަންދުކޮށްފައި ބެހެއްޓުމަށް ކޯޓުން ވަނީ އަމުރުކޮށްފަ އެވެ.
އަބްދުﷲ އިބްރާހީމް ހައްޔަރުކޮށް މުއްދަތު ޖަހާފައިވަނީ މުޖުތަމައުގެ ސަލާމަތާއި ރައްކާތެރި ކަމަށް ކަމުގައި ބަންދު އަމުރު ރިޕޯޓުގައި ބަޔާންކޮށްފައިވެ އެވެ. އޭނާ ބަންދު ކުރަން އަމުރު ކުރީ ކްރިމިނަލް ކޯޓުގެ ގާޒީ އިބްރާހީމް އިހްސާނެވެ.
މި މައްސަލައިގެ ތަފްސީލެއް ފުލުހުންވެސް އަދި އައިޖީއެމްއެޗަކުންވެސް އަދި ހާމަކޮށްފައެއް ނުވެ އެވެ.