ދައުލަތުގެ މީޑިއާ -- ޕީއެސްއެމްގެ މެނޭޖިން ޑިރެކްޓަރު ޒީނާ ޒާހިރު މަގާމުން އިސްތިއުފާ ދެއްވައިފި އެވެ.
ޒީނާ މިއަދު ހަވީރު 4:30 ހާއިރު މަގާމުން އިސްތިއުފާ ދެއްވާފައިވާ ކަމަށް އޭނާ ވަނީ ޔަގީންކޮށްދެއްވާފަ އެވެ. ނަމަވެސްް އިސްތިއުފާ ދެއްވި ސަބަބު ހާމަކުރައްވާފައެއް ނުވެ އެވެ.
ޕީއެސްއެމްގެ މެނޭޖި ޑިރެކްޓަރުގެ މަގާމަށް ޒީނާ އައްޔަންކުރެއްވީ މިދިޔަ ނޮވެމްބަރު މަހުގެ ތެރޭގައެވެ.
ކުރިން ނޫސްވެރިޔެއްގެ ގޮތުގައި މަސައްކަތް ކުރެއްވި ޒީނާ މީގެކުރިން ވަނީ މޯލްޑިވްސް ބްރޯޑްކާސްޓިން ކޮމިޝަންގެ މެންބަރުކަންވެސް ކުރައްވާފަ އެވެ.