ދައުލަތުގެ މީޑިއާ -- ޕަބްލިކް ސާވިސް މީޑިއާ (ޕީއެސްއެމް) ގެ މެނޭޖިން ޑިރެކްޓަރުކަމުގެ މަގާމަށް މުހައްމަދު ސައީދު އައްޔަންކުރައްވައިފި އެވެ.
ސައީދު މި މަހާމަށް އައްޔަންކުރެއްވީ ދައުލަތުގެ ވިޔަފާރި ތަންތަން ޕްރައިވަޓައިޒްކުރުމާއި ކޯޕްރަޓައިޒްކުރުމާއި އަދި މޮނިޓާކޮށް އިވެލުއޭޓްކުރުމުގެ ޤާނޫނުގެދަށުންނެވެ.
އޭނާ ވަނީ 1989 ވަނަ އަހަރުން ފެށިގެން ސަރުކާރުގެ އެކި މަގާމުތައް ފުރުއްވާފަ އެވެ. އެގޮތުން އެޑިއުކޭޝަން މިނިސްޓްރީގެ ޕާމަނަންޓް ސެކްޓްރީކަމާއި ޑިރެކްޓާ ޖެނެރަލްގެ މަގާމުވެސް ފުރުއްވާފައިވެ އެވެ.
ސައީދު އެ މަގާމަށް އައްޔަންކުރެއްވީ ޕީއެސްއެމްގެ މެނޭޖިން ޑިރެކްޓަރުކަމުގެ މަގާމުން ޒީނާ ޒާހިރު އިސްތިއުފާ ދެއްވުމުންނެވެ.
ޒީނާ އިއްޔެ ހަވީރު 4:30 ހާއިރު މަގާމުން އިސްތިއުފާ ދެއްވާފައިވާ ކަމަށް އޭނާ ވަނީ ޔަގީންކޮށްދެއްވާފަ އެވެ. ނަމަވެސްް އިސްތިއުފާ ދެއްވި ސަބަބު ހާމަކުރައްވާފައެއް ނުވެ އެވެ.
ޕީއެސްއެމްގެ މެނޭޖި ޑިރެކްޓަރުގެ މަގާމަށް ޒީނާ އައްޔަންކުރެއްވީ މިދިޔަ ނޮވެމްބަރު މަހުގެ ތެރޭގައެވެ.