ބޯޓަކުން މާލޭގެ އުތުރު ބަނދަރަށް ބާލާފައި ހުރި ގިނަ އަދަދެއްގެ ރިހާކުރު ޓައްޕުތަކެއް ވަގަށް ނަގާފައި ހުއްޓާ ހޯދައިފި އެވެ.
ފުލުހުންނަށް މިމައްސަލަ ރިޕޯޓްކޮށްފައިވަނީ މިމަހުގެ 23 ވަނަ ދުވަހު އެވެ.
މައްސަލައިގެ ތުހުމަތުގައި އަދި އެއްވެސް މީހަކު ހައްޔަރުކޮށްފައެއް ނުވެ އެވެ.
ރިހާކުރު ޓައްޕުތަކުގެ ވެރިފަރާތާ ހަވާލާދީ ފުލުހުން ބުނީ ރިހާކުރު ޓައްޕުތަކުގެ އަގު 50،000 ރުފިޔާއަށް އަރާ ކަމަށެވެ.
ފުލުހުން ބުނީ ޓައްޕުތައް ހޯދީ ސީސީޓީވީ ފޫޓޭޖު ބަލައި، ދެނެގަނެ ކުރި މަސައްކަތުން ކަމަށެވެ.
"މި ތަކެތި ހޯދާފައިވަނީ މީހަކަށް ވިއްކާލާއި، ގެއެއްގެ ތެރޭގައި ފޮރުވާފައި ހުއްޓާ،" ފުލުހުން ބުންޏެވެ.
ފުލުހުން އިތުރަށް ބުނީ މިމައްސަލަ އިތުރަށް ތަހުގީގު ކުރަމުންދާ ކަމަށެވެ.