ބިދޭސީއަކަށް ވަޅިން ބިރު ދައްކައި ފައިސާ ފޭރުނު މީހަކު ހައްޔަރުކޮށްފި އެވެ.
މިމައްސަލައިގައި ހައްޔަރުކޮށްފައި ވަނީ ލ. މާވަށަށް ނިސްބަތްވާ އުމުރުން 24 އަހަރުގެ ފިރިހެނެކެވެ.
އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަންދުގައި ބެހެއްޓުމަށް އަމުރުކޮށްފައިވެ އެވެ.
ބަންދު އަމުރުގައިވާ ގޮތުން ފުލުހުން ވަނީ މައްސަލައާއި ގުޅޭ ހެއްކާއި ގަރީނާ ކޯޓަށް ހުށަހަޅާފަ އެވެ. އެހެންވެ އޭނާ ބަންދުން ދޫކޮށްލައިފިނަމަ މުޖުތަމައުގެ ސަލާމަތަށް ނުރައްކާތެރިވެދާނެ ކަމަށް ކޯޓުން ކަނޑައަޅާފައިވެ އެވެ.
ކޯޓުގައި އޭނާ ބުނީ ފޭރުނު ކަމަށް ބުނާ ފައިސާ އަކީ ބިދޭސީ މީހާ، އޭނާއަށް ދޭންޖެހޭ ފައިސާ ކަމަށެވެ.
މިމައްސަލައިގައި ތުހުމަތުކުރެވޭ މީހާ އަކީ ކުށުގެ ރެކޯޑްތަކެއް ހުރި މީހެކެވެ.
