ޓެކްސް އެޕީލް ޓްރައިބިއުނަލްގެ ހަތަރު މެމްބަރަކު ވަކިކުރުމަށް ރައްޔިތުންގެ މަޖިލީހުން ދިން ލަފައާއެކު ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު އެ މެމްބަރުން ވަކިކުރައްވައިފި އެވެ.
ޓްރައިބިއުނަލް އިން ވަކިކުރައްވާފައިވަނީ އެ ޓްރައިބިއުނަލްގެ ރައީސް މުހައްމަދު މުނައްވަރު އަލީއާއި، ނައިބު ރައީސް ހުސައިން ޒައިދާން ޖަލީލާއި، މެމްބަރު އަހްމަދު އަޝްރަފާއި، މެމްބަރު ހަދީޖާ ނައީމް އެވެ.
މި މެމްބަރުން ވަކިކުރުމަށް ޖުޑީޝަރީ ކޮމިޓީގެ ސަމާލުކަމަށް މައްސަލައެއް ގެނައީ ޓްރައިބިއުނަލްގެ މެމްބަރެއް ކަމަށްވާ އިސްމާއީލް ސާޖިދެވެ.
އެގޮތުން ކޮމިޓީން މައްސަލަ ބެލުމަށްފަހު ސާޖިދު ނޫން އެހެން ބޭފުޅުން ޓެކްސް އެޕީލް ޓްރައިބިއުނަލްގެ މެންބަރު ކަމުން ވަކިކުރަން ކޮމިޓީން ފާސްކުރީ މި މަހުގެ 13ވަނަ ދުވަހު އެވެ. އަދި ރައްޔިތުންގެ މަޖިލީހުން އެ ނިންމުން ފާސްކުރީ މި މަހުގެ 19 ވަނަ ދުވަހު އެވެ. އެއީ 63 މެމްބަރުންގެ އިއްތިފާގުންނެވެ.
ޓެކްސް އެޕީލް ޓްރައިބިއުނަލްގައި ހިމެނޭ މެމްބަރުންގެ ތެރެއިން ސާޖިދު ފިޔަވާ ދެން ތިއްބެވި މެންބަރުން ވަކިކުރެއްވުމަށް ކޮމިޓީއަށް ހުށަހެޅުއްވީ ހޮޅުދޫ ދާއިރާގެ މެމްބަރު އަބްދުއްސައްތާރު މުހައްމަދެވެ.