ކ. އަތޮޅުގެ ފިނޮޅަކަށް ދަތުރުދިޔަ މީހަކު ގެއްލިގެން ހޯދަން ފަށައިފި އެވެ.
އޭނާ ވަނީ އިއްޔެ ދަތުރު ދިޔަ ގޮތަށް ހަބަރެއް ނުވެގެން ހޯދަން ފަށާފަ އެވެ.
ފުލުހުން މައުލޫމާތު ދިން ގޮތުގައި ގެއްލިގެން އުޅެނީ މ. އަސަރީ، ހަނދާން، ތަސްލީމް މުހައްމަދެވެ. އެއީ 43 އަހަރުގެ ދިވެހި ފިރެހެނެކެވެ.
އޭނާ އިއްޔެ ދަތުރުގޮސްފައިވަނީ ކ. ހުވަފެންފުށީގެ ދެކުނުން ހިއްކާފައި އޮންނަ ފަސްގަނޑަކަށެވެ.
ތަސްލީމާއެކު ދަތުރު ދިޔަ އެހެން މީހުން ބުނި ގޮތުގައި އޭނަ އެންމެ ފަހުން ފެނުނީ އިއްޔެ ހެނދުނުގެ 10 އަކާއި 11 އާއި ދެމެދު ވަގުތެއްގަ އެވެ.
ފުލުހުން ވަނީ އޭނާއާ ގުޅޭ އެއްވެސް މައުލޫމާތެއް އެނގޭނަމަ ނުވަތަ މިދިޔަ ބުރާސްފަތި ދުވަހާއި ހުކުރު ދުވަހު އެ ފަސްގަނޑަށް އެއްވެސް މީހަކު ދަތުރު ދިޔަނަމަ ކ. ހިންމަފުށީ ޕޮލިސް ސްޓޭޝަނަށް އެންގުމަށް އެދިފަ އެވެ.
އެ ޕޮލިސް ސްޓޭޝަނަަށް ގުޅޭ ނަންބަރަކީ 9794639 އެވެ.