އެޓާނީ ޖެނެރަލް އޮފީހުގެ ޕާމަނަންޓް ސެކްރެޓަރީގެ މަގާމަށް ބޭފުޅަކު އައްޔަނުކޮށްފި އެވެ.
މި މަގާމަށް އައްޔަންކުރީ އެޓާނީ ޖެނަރަލް އޮފީހުގައި ޕާމަނަންޓް ސެކްރެޓަރީއެއްގެ ގޮތުގައި ކުރިންވެސް މަސައްކަތް ކުރައްވާފައިވާ ސުލްތާނާ ޝާކިރު އެވެ.
ޕީޖީ އޮފީހުގެ ޕާމަނަންޓް ސެކްރެޓަރީގެ މަގާމުގައި ސުލްތާނާ ކުރިން ހުންނެވީ 2012 އިން 2019 އަށެވެ.
ސުލްތާނާ މިއަދު ޕާމަނަންޓް ސެކްރެޓަރީގެ މަގާމުގެ ލިޔުން ސިވިލް ސާވިސް ކޮމިޝަންގެ ރައީސް ހަވާލުކުރެއްވިއިރު މިރަސްމިއްޔާތުގައި އެޓާނީ ޖެނަރަލް އަހްމަދު އުޝާމު ބައިވެރިވެވަޑައިގެންނެވި އެވެ.
އޭރު މަގާމުން ވަކިވުމަށްފަހު ޓްރާންސްޕޭރެންސީ މޯލްޑިވްސްގައި ދުވަސްކޮޅަކު މަސައްކަތް ކުރެއްވުމަށްފަހު އޭނާ އެންމެ ފަހުން ހުންނެވީ ދިވެހި ހައި ކޯޓުގެ ޗީފް އެޑްމިނިސްޓްރޭޓަރުގެ މަގާމުގައެވެ.