ހަތަރުވަނަ ސައުތު އޭޝިއަން ޖޫނިއާ އެތުލެޓިކްސް ޗެމްޕިއަންޝިޕްގައި ވާދަކުރި ރާއްޖޭގެ އެތުލެޓިކްސް ޓީމުން، އަންހެން އަދި ފިރިހެން ހަތަރެއް ގުނަ ސަތޭކަ މީޓަރު ރިލޭއިން ބްރޯންޒް މެޑަލް ހާސިލްކޮށްފި އެވެ.
މި މުބާރާތް ކުރިއަށް ދިޔައީ އިންޑިއާގެ ޗެންނާއީގައި މިމަހުގެ 11 އިން 13 އަށެވެ.
މި މުބާރާތުގައި ދިވެހި ޒުވާން އެތުލެޓިކްސް ޓީމުން، އަންހެން އަދި ފިރިހެން 100 މީޓަރު ރިލޭއިން ބްރޯންޒް މެޑަލް ހޯދީ ރާއްޖޭގެ ޖޫނިއަ އުމުރުފުރާގެ އާ ރެކޯޑަކާ އެކު އެވެ.
މިފަހަރުގެ ދެކުނު އޭޝިއާގެ ޖޫނިއަ އެތުލެޓިކްސް މުބާރާތުގައި ރާއްޖެއިން 16 އެތުލީޓުން ވާދަކުރި އެވެ. އެއީ 8 އަންހެން އެތުލީޓުންނާއި 8 ފިރިހެން އެތުލީޓުންނެވެ.
ދިވެހި އެތުލީޓުން ބްރޯންޒް މެޑަލް ހޯދައިދީފައިވާތީ އެކަން ފާހަގަކުރައްވައި ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވަނީ ޓީމަށް މަރުހަބާ ވިދާޅުވެފަ އެވެ.
ރައީސްގެ ތަހުނިޔާގެ މެސެޖުގައި ވަނީ ދިވެހި ޒުވާން އެތުލީޓުން ބްރޯންޒް މެޑަލް ހާސިލްކޮށް، ދެއްކި ހުނަރާއި ހިތްވަރަށް ފަޚުރުވެރިވެވަޑައިގަންނަވާ ކަމަށް ވިދާޅުވެ ސާބަސް ދެއްވާފަ އެވެ.