ފިރެހެނަކު ރަހީނުކޮށްގެން އޭނާގެ އަތުން ބައި ލައްކަ ރުފިޔާ ފޭރުނު މައްސަލައިގައި ހިމެނޭ ފިރިހެން މީހާގެ ބަންދަށް ދެވަނަ ފަހަރަށް މުއްދަތު ޖަހައިފި އެވެ.
މިމައްސަލައިގައި ފުލުހުން ހައްޔަރުކޮށްފައިވަނީ ގއ. ކަނޑުހުޅުދޫ، ވިދާތަރި، އިކްލީލް އިބްރާހިމް (41އ) އާއި ސ. މަރަދޫ، ކުންނާރުގެ، އައިޝަތު މަލްޖާ މޫސާ ދީދީ (27އ) އެވެ.
އިކްލީލް ހައްޔަރުކޮށް އޭނާގެ ބަންދާމެދު ގޮތެއް ނިންމުމަށް ކުރިމިނަލް ކޯޓަށް ހާޒިރުކުރުމުން އޭނާގެ ބަންދަށް ފުރތަމަ ދީފައިވަނީ 15 ދުވަހެވެ. މިމުއްދަތު ހަމަވާތީ އޭނާގެ ބަންދާ މެދު ގޮތެއް ނިންމުމަށް ކޯޓަށް ހާޒިރުކުރުމުން ދެވަނަ ފަހަރުވެސް ބަންދަށް ދިނީ 15 ދުވަހެވެ.
ފުލުހުން ބުނި ގޮތުގައި މަލްޖާއާއި އިކްލީލް ބައިވެރިވެގެން ވަނީ އައިޖީއެމްއެޗް ކައިރިން އެ ފިރެހެން މީހާ ހުއްޓުވާ، ކޮޓަރިއަކަށް ދިއުމުގެ ދައުވަތު ދީފަ އެވެ. އަދި އެ ކޮޓަރިއަށް އޭނާ ގެންދިއުމަށްފަހު އޭނާ ރަހީނުކޮށް، އޭނާގެ ކޭޝް ކާޑުން 53،000 ރުފިޔާ ފޭރިގަނެފައިވެ އެވެ.
ފުލުހުންނަށް މި މައްސަލަ ރިޕޯޓުކޮށްފައިވަނި މިދިޔަ މަހުގެ 26 ވަަނަ ދުވަހު އެވެ. ފުލުހުން މައްސަލަ ބެލިއިރު ފޭރުނު ފައިސާ އިކްލީލްގެ އެކައުންޓްގައި ހުރިކަން އެނގިފައިވާ ކަމަށްވެސް ފުލުހުން ބުނެފައިވެ އެވެ.
މައްސަލައިގައި ހައްޔަރުކުރި އަންހެން މީހާވެސް ހުރީ ފުލުހުންގެ ބެލުމުގެ ދަށުގައެވެ.
އިކްލީލްއަށް ކުރާ ތުހުމަތުތަކުގެ ތެރޭގައި ހަށިވިއްކުމުގެ ކުށުގެ ރިކޯޑު އޮތް އަދި އަންހެނުންނާ ގުޅިގެން ފޭރުމުގެ ކަންކަން ހިންގުމާއި، އަންހެން މީހާއާ ގުޅިގެން މި މަހު ހަ މީހެއްގެ އަތުން ފޭރުނު ކަމުގެ ތުހުމަތާއި، ފޭރުނު ރުފިޔާގެ ބޮޑު ބައެއް އޭނާގެ އެކައުންޓަށް ޖަމާކުރުން ހިމެނެ އެވެ.