ސްރީލަންކާގެ ކޮލަމްބޯގައި ޖެނެރަލް ސޭލްސް އެޖެންޓް (ޖޭއެސްއޭ) ގެ ހިދުމަތް ދޭނެ ބަޔަކު ހޯދަން ރާއްޖޭގެ ގައުމީ އެއާލައިން -- މޯލްޑިވިއަން އިން އިއުލާނުކޮށްފި އެވެ.
މޯލްޑިވިއަން ހިންގާ އައިލެންޑް އޭވިއޭޝަން ސާވިސް ލިމިޓެޑް (އައިއޭއެސްއެލް) އިން ވަނީ މި ހިދުމަތް ދެ އަހަރުގެ މުއްދަތަށް ދޭނެ ބަޔަކު ހޯދަން އިއުލާނުކޮށްފަ އެވެ.
އެ ގޮތުން ޖޭއެސްއޭގެ ހިދުމަތް ދިނުމަށް އައިލެންޑް އޭވިއޭޝަންއާއެކު އެއްބަސްވުމަށްފަހު ޖޭއެސްއޭގެ ހިދުމަތްދޭ ކުންފުނިން ރާއްޖޭގެ ޓުއާ އޮޕަރޭޓަރެއް ތަމްސީލުކޮށްގެން ނުވާނެ ކަމަށް އިއުލާނުގައިވެ އެވެ.
މީގެ އިތުރުން ޖޭއެސްއޭގެ ހިދުމަތް ދޭ ކުންފުންޏަކީ ހަފުތާގައި މަސައްކަތްކުރާ ދުވަސްތަކުގައި ކޮންމެ ދުވަހަކު މަދުވެގެން ހަ ގަޑިއިރު ހިދުމަތްދޭ ކުންފުންޏަކަށްވާން ޖެހެ އެވެ.
ކޮލަމްބޯގައި ޖޭއެސްއޭގެ ހިދުމަތް ދޭނެ ބަޔަކު ހޯދަން އިއުލާނުކޮށްފައިވާއިރު މެދުކެނޑުމަކަށްފަހު މޯލްޑިވިއަން އިން މާލެ-ކޮލަމްބޯ ދަތުރުތައް ފެށީ މި އަހަރުގެ އެޕްރީލް މަހު އެވެ.
މޯލްޑިވިއަން އިން މިމަހުގެ ވަނީ ޗައިނާގެ ތިން ސިޓީއަކަށް ޖެނެރަލް ކާގޯ ސޭލްސް އޭޖެންޓުން ހޯދަންވެސް އިއުލާނުކޮށްފަ އެވެ.