ޕަބްލިކް ޑެޓް މެނޭޖްމަންޓް (ޕީޑީއެމް) އިން ބާއްވާ ތިންވަނަ ކޮންފަރެންސްގައި ފިނޭންސް މިނިސްޓްރީން ބައިވެރިވުމަށް ނިންމައިފި އެވެ.
މި ކޮންފަރެންސަކީ އަންނަ މަހުގެ ތިންވަނަ ދުވަހާއި ހަތަރުވަނަ ދުވަހު އެމެރިކާގެ ވޮޝިންގްޓަން ޑީސީގައި ވޯލްޑް ބޭންކް ހެޑްކުއާޓަރުގައި ބާއްވަން ހަމަޖެހިފައިވާ ކޮންފަރެންސެކެވެ.
މިފަހަރުގެ ކޮންފަރެންސަކީ ޕަބްލިކް ޑެޓް މެނޭޖްމަންޓަށް ހުރި ނުރައްކަލާއި ގޮންޖެހުންތަކަށް އަމާޒުކުރާ ކޮންފަރެންސް އެކެވެ.
މީގެ ތެރޭގައި އިންފްލޭޝަނާއި، މާކެޓްސް އަދި މޫސުމަށް އަންނަ ބަަދަލުތަކަށް އަލިއަޅުވާލުމަށް ހަމަޖެހިފައިވެ އެވެ.
ފިނޭންސް މިނިސްޓްރީގެ ފަރާތުން ކޮންފަރެންސްގައި ހަތަރު ބޭފުޅަކު ބައިވެރިވެ އެވެ.
މި ކޮންފަރެންސްގައި ބައިވެރިވުމަށް އެމެރިކާއަށް ދަތުރުކުރާ ދިވެހި ވަފްދުގެ ހަރަދުތައް ސްޕޮންސާކޮށްފައިވަނީ ކޮންފަރެންސް އިންތިޒާމު ކުރާ ފަރާތުންނެވެ.
