އިސްލާމީ މަރުކަޒުގެ މުންނާރު ކައިރީގައި މަސް ފެންގަނޑެއް ހެދުމަށް ނިންމައިފި އެވެ.
އިސްލާމިކް މިނިސްޓްރީން މިއަދު ކުރި އިއުލާނެއްގައި ވަނީ މިމަސައްކަތް ކުރުމަށް ޝައުގުވެރިވާ ކުދި އަދި މެދު ފަންތީގެ ވިޔަފާރިތަކުން ބީލަން ހުށަހެޅުމަށް ފުރުސަތު ހުޅުވާލާފަ އެވެ.
މިފުރުސަތު ހުޅުވާލާފައިވަނީ އަންނަ އާދިއްތަ ދުވަހުގެ ހެނދުނު 11:00ގެ ނިޔަލަށެވެ.
އަންދާސީ ހިސާބު ހުށަހެޅުމަށް ކުރިން ރަޖިސްޓަރީ ނުކުރާ ފަރާތްތަކަށް ބީލަމުގައި ބައިވެރި ނުވެވޭނެ ކަމަށްވެސް މިނިސްޓްރީން ބުނެ އެވެ.
އިސްލާމީ މަރުކަޒުގެ މުންނާރު ކައިރީގައި މަސް ފެންގަނޑެއް ހެދުމަށް ނިންމީ އިސްލާމީ މަރުކަޒަށް 40 އަހަރު ފުރުން ފާހަގަކުރުމުގެ ގޮތުންނެވެ.