މޯލްޑިވްސް އިންފްލައިޓް ކޭޓަރިން ޕްރައިވެޓް ލިމިޓެޑް (އެމްއައިސީ)ގެ ޖެނެރަލް މެނޭޖަރު ކޮކް ތެންގް އެންޖީ މަގާމުން ވަކިކޮށްފި އެވެ.
އެމްއައިސީއަކީ މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ 65 ޕަސަންޓް ހިއްސާއާއި ސިންގަޕޫރު އެއާޕޯޓް ޓާމިނަލް ސާވިސަސް (ސެޓްސް)ގެ 35 ޕަސަންޓް ހިއްސާ އޮވެގެން ހިންގާ ކުންފުންޏެކެވެ.
އެންޖީ މަގާމުން ވަކިކުރީ އެމްއައިސީގެ އުސޫލުތަކާ ހިލާފުވެފައިވާތީ ކަމަށް އެނގިފައިވެ އެވެ.
އެމްއައިސީއަށް އެތައް މިލިއަން ރުފިޔާގެ ގެއްލުން ލިބޭ ގޮތަށް ހިޔާނާތުގެ އަމަލުތައް އެންހީ ހިންގާފައިވާ ކަމަށް އޭނާއަށް ތުހުމަތުކުރެ އެވެ.
އެމްއައިސީގެ ތެރޭގައި ހުރި މައްސަލަތައް އެނގުނީ އެމްއޭސީއެލްއިން ހިންގި އިދާރީ ތަހުގީގެއްގެ ތެރެއިން ކަމަށް މައުލޫމާތު ލިބެ އެވެ.
ވަޒީފާގެ އެއްބަސްވުމާއި، އެޗްއާރުގެ އުސޫލުތަކާއި، ޒީރޯ ޓޮލަރެންސް ސިޔާސަތުގެ އިތުރުން އެމްޕްލޯއީ ހޭންޑްބުކްގެ އުސޫލުތަކާ ހިލާފަށް އެންޖީ އަމަލުކޮށްފައިވާ ކަމަށްވެސް އޭނާއަށް ތުހުމަތު ކުރެ އެވެ.