ބްރައިޓް ވިއު ބްރޭންޑުން ހަދާފައި ވިއްކާ ހިންނަވަރު އަތުޖެހި ވިއްކަމުންދަނީ މޯލްޑިވްސް ފުޑް އެންޑް ޑްރަގް އޮތޯރިޓީ (އެމްއެފްޑީއޭ) ގައި ދަފްތަރުނުކޮށް ކަމަށް އެ އޮތޯރިޓީން ބުނެފި އެވެ.
އެމްއެފްޑީއޭ އިން މިއަދު ނެރުނު ނޫސް ބަޔާނެއްގައި ބުނީ ހިންނަވަރު އަތުޖެހި ހަދާ ފަރާތަކީ އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްކުމުގެ މަސައްކަތްކުރާ ފަރާތްތައް ދަފްތަރު ކުރުމުުގެ އުސޫލުގެ ދަށުން އެމްއެފްޑީއޭގައި ދަފްތަރުކޮށްފައިވާ ފަރާތެއް ނޫން ކަމަށެވެ.
އެގޮތުން އެ އުފެއްދުމުގައި ބޭނުންކޮށްފައިވާ ނަންބަރަކީ ވެސް އެމްއެފްޑީއޭގެ އުސޫލުގެ ދަށުން ދޫކޮށްފައިވާ ނަންބަރެއް ނޫން ކަމަށް އެމްއެފްޑީއޭ އިން ބުނެ އެވެ.
އެމްއެފްޑީއޭ އިން ބުނީ އަމިއްލަ ދިރިއުޅުމަށްޓަކައި ކާބޯތަކެތި އުފައްދާ ވިއްމުމުގެ މަސައްކަތްކުރާ ފަރާތްތައް ދަފްތަރު ކުރުމުުގެ އުސޫލުގެ ދަށުން ދަފްތަރުކުރާ ފަރާތްތަކުގެ މައުލޫމާތު އެ އޮތޯރިޓީގެ "ދިރިތި" ޕޯޓަލް، އެމްއެފްޑީއޭގެ ވެބްސައިޓް އަދި ހެލްތް މިނިސްޓްރީގެ ވެބްސައިޓުގައި އަދާހަމައަށް ފެންނަން ހުންނާނެ ކަމަށެވެ.
އެމްއެފްޑީއޭ އިން ވަނީ ކާބޯތަކެތި ގަތުމުގައި އެފަދަ ކަންކަމަށް ހާއްސަ ސަމާލުކަމެއްް ދިނުމަށް އިލްތިމާސް ކޮށްފަ އެވެ. އަދި އެފަދަ އުސޫލާ ހިލާފު ކަމެއް ފާހަގކުރެއްވިއްޖެނަމަ އެކަން އޮތޯރިޓީގެ ނަންބަރަށް ގުޅާ ހިއްސާކުރުމަށްވެސް އެދިފައިވެ އެވެ.