އީ-ވޭސްޓް ދުވަހުގެ މުނާސަބުގައި އިލެކްޓްރޯނިކް ކުނި ހިލޭ އުކައިދިނުމުގެ ފުރުސަތު ވޭސްޓް މެނޭޖްމަންޓް ކޯޕަރޭޝަން (ވެމްކޯ) އިން ހުޅުވާލައިފި އެވެ.
ވެމްކޯއިން ވަނީ އާންމުންނަށް ޓްރާންސްފާ ސްޓޭޝަންތަކުން އީ-ވޭސްޓް ހިލޭ ޑްރޮޕް އޮފް ކުރުމުގެ ފުރުސަތު ހުޅުވާލާފަ އެވެ. ފުރުސަތު ހުޅުވާލާފައިވަނީ މިއަދު ހެނދުނުން ފެށިގެން މިރޭ 10:00 އަށެވެ.
އީ-ވޭސްޓް ދުވަސް ފާހަގަކުރަނީ ކޮންމެ އަހަރަކު އޮކްޓޫބަރު މަހުގެ 14ވަނަ ދުވަހު އެވެ.
ވޭސްޓް ފްރޮމް އިލެކްޓްރިކަލް އެންޑް އިލެކްޓްރޯނިކް އިކުއިޕްމަންޓް (ޑަބްލިޔުއީއީ) އިން ބައިނަލްއަގްވާމީ އީ-ވޭސްޓް ދުވަސް ފާހަގަކުރުމަށް 2018 ވަނަ އަހަރު ނިންމީ އީ-ވޭސްޓް ރިސައިކަލް ކުރުމާބެހޭގޮތުން އާންމުން ހޭލުންތެރިކުރުވުމަށެވެ.