ފުލުހުންގެ އެސިސްޓެންޓް ކޮމިޝަނާގެ މަގާމުގައި ތިއްބެވި ދެ ބޭފުޅަކު ހިންގަވަމުން ގެންދިޔަ ދެ ޑިޕާޓްމަންޓަކުން އެ ބޭފުޅުން ދުރުކޮށްފި އެވެ.
މިފިޔަވަޅު އެޅީ އެސިސްޓެންޓް ކޮމިޝަނަރުން ކަމަށްވާ އަހްމަދު ޝިފާނާއި މޫސާ އަލީ އަށެވެ.
ފުލުހުންގެ ތަރުޖަމާންގެ ގޮތުގައި ހުންނެވި ޝިފާން މީގެކުރިން ހަވާލުވެ ހުރީ ޕޮލިސް ކޮމިޝަނަރު އޮފީހާ އެވެ. މޫސާ އަލީ މީގެކުރިން ހަވާލުވެ ހުރީ ސާވިސް ޑިވެލޮޕްމަންޓް ޑައިރެކްޓްރޭޓާ އެވެ.
ފުލުހުންގެ އެތެރޭގެ މައުލޫމާތުތާއި މަޝްވަރާތައް ކުރުމަށް ހަދާފައިވާ "އިންޓްރާ" އޮންލައިން ޕްލެޓްފޯމުގައި އިއްޔެ އިއުލާންކުރި ގޮތުގައި ޝިފާން ބަދަލުކުރީ ސާވިސް ޑިވެލޮޕްމަންޓް ޑައިރެކްޓްރޭޓާ އެވެ. އަދި މޫސާ އަލީ ބަދަލުކުރީ ޕޮލިސް ކޮމިޝަނަރު އޮފީހަށެވެ.
މިބަދަލު ގެނައި ވަކި ސަބަބެއް ފުލުހުންގެ އިދާރާ އިން އާންމުކޮށް އިއުލާންކޮށްފައެއް ނުވެ އެވެ.
އަވަސްއަށް މައުލޫމާތު ލިބިފައިވާ ގޮތުގައި ފުލުހުންގެ ތަރުޖަމާނަކަށް ޝިފާންގެ ބަދަލުގައި އެހެން ބޭފުޅަކު ހަމަޖެއްސުމަށްވެސް ވަނީ ނިންމާފަ އެވެ.