އިނގިރޭސިވިލާތުގެ ރަސްގެފާނު ޗާލްސް، ރާއްޖެއަށް ވަޑައިގަތުމަށް ދައުވަތު ދެއްވައިފި އެވެ.
ރަސްގެފާނު ޗާލްސްއަށް މި ދައުވަތު ދެއްވީ ރާއްޖޭގެ ނައިބު ރައީސް ހުސައިން މުހައްމަދު ލަތީފު އެވެ.
ޗާލްސްއާއެކު ނަންގަވާފައިވާ ފޮޓޯއެއް ހިއްސާކުރައްވާ އެކްސްގައި ކުރެއްވި ޕޯސްޓެއްގައި ނައިބު ރައީސް ވިދާޅުވީ ރަސްގެފާނު ޗާލްސް ރާއްޖެއަށް ވަޑައިގަތުމަށް ރައީސް ޑރ. މުހައްމަދު މުއިއްޒުގެ ފަރާތްޕުޅުން ދައުވަތު އަރުވާފައިވާ ކަމަށެވެ.
މި ދައުވަތު އަރުވާފައިވަނީ ކޮމަންވެލްތު ހެޑްސް އޮފް ގަވާމަންޓް މީޓިންގައި ބައިވެރިވެވަޑައިގަތުމަށް ނައިބު ރައީސް ސަމޯއާ މިހާރު ކުރައްވާ ދަތުރުފުޅުގަ އެވެ.
ރަސްގެފާނު ޗާލްސްގެ މަންމަ އަދި އިނގިރޭސިވިލާތުގެ ކުރީގެ ރާނީ އެލިޒަބަތު ދެވަނަ 1972 ވަނަ އަހަރު ރާއްޖެއަށް ރަސްމީ ދަތުރުފުޅެއް ކުރެއްވި އެވެ.