އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި އަހަރެއްގެ މައްޗަށް 1.9 މިލިއަން ލެބޯޓްރީ ޓެސްޓް ހަދާ ކަމަށް މާލޭ ގްރޫޕް އޮފް ހޮސްޕިޓަލްސް އިން ހާމަކޮށްފި އެވެ.
މާލޭ ގްރޫޕް އޮފް ހޮސްޕިޓަލްސްގައި ހިމެނޭ ހޮސްޕިޓަލްތަކުގެ ތަފާސްހިސާބުތައް ހިއްސާ ކުރައްވަމުން ސީއީއޯ އިބްރާހިމް އަބްދުއްރައްޒާގު ހަލީމް ވިދާޅުވީ އައިޖީއެމްއެޗްގެ އިމަޖެންސީ އަދި ޖީޕީ ޑިޕާޓްމަންޓުން އަހަރަކު 150،000 މީހުން ފަރުވާ ހޯދާ ކަމަށެވެ.
މީގެ އިތުރުން އައިޖީއެމްއެޗްގައި އަހަރަކު 285،120 އެކްސްރޭ އަދި ސްކޭން ހަދާ ކަމަށާއި 25،500 ސާޖަރީ ހަދާ ކަމަށްވެސް އޭނާ ވިދާޅުވި އެވެ.
މާލޭ ގްރޫޕް އޮފް ހޮސްޕިޓަލްސްގައި ހިމެނޭ ހުޅުމާލޭ ހޮސްޕިޓަލްގައި އަހަރަކު 483،185 ލެބޯޓްރީ ޓެސްޓް ހަދާއިރު 121،531 އެކްސްރޭ އަދި ސްކޭން ހަދަ އެވެ. މީގެ އިތުރުން އަހަރަކު 1،696 ސާޖަރީ ހަދަ އެވެ.
އަބްދުއްރައްޒާގު ހަލީމް ވިދާޅުވި ގޮތުގައި ވިލިމާލޭ ހޮސްޕިޓަލްގައި އިމަޖެންސީ އަދި ޖީޕީ ޑިޕާޓްމަންޓުން އަހަރަކު 2،307 މީހުން ފަރުވާ ހޯދަ އެވެ. އަދި އެ ހޮސްޕިޓަލްގައި އަހަރަކު 5,697 އެކްސްރޭ އަދި ސްކޭން ހަދަ އެވެ.