ހުޅުމާލޭ ދެވަނަ ފިޔަވަހީގައި ހުންނަ އެކޮމޮޑޭޝަން ބްލޮކެއްގައި އަލިފާނުގެ ހާދިސާއެއް ހިނގައިފި އެވެ.
އެމްއެންޑީއެފްއިން މައުލޫމާތުދޭ ގޮތުގައި އެ އެކޮމޮޑޭޝަން ބްލޮކަކީ މީހުން ދިރިއުޅެމުން އަންނަ ތަނެކެވެ. އަދި އެތަނުގައި އަލިފާނުގެ ހާދިސާއެއް ހިނގައިފި ކަމަށ ރިޕޯޓުކޮށްފައިވަނީ މިއަދު 4:00 ހާއިރު އެވެ.
އެމްއެންޑީއެފްއއިން ބުނީ ހުޅުމާލޭ ފަޔާ އެންޑް ރެސްކިއު ޓީމުން އަންނަނީ އަލިފާން ނިއްވާލުމުގެ މަސައްކަތް ކުރަމުން ކަމަށެވެ.
އެތަނުގައި އަލިފާން ރޯވާން މެދުވެރިވި ސަބަބު އަދި އެނގިފައެއް ނުވެއެވެ.
އެތަނުގައި އަލިފާން ރޯވެ، ދުންބޯވެފައިވާ މަންޒަރު އާންމުވެފައިވާ ވީޑިއޯތަކުން ފެނެއެވެ.