ހުޅުމާލެ ފަޅު ތެރޭގައި އޮތް ސަފާރީއެއްގައި އަލިފާން ރޯވެއްޖެ އެވެ.
އެމްއެންޑީއެފުން ބުނި ގޮތުގައި އަލިފާން ރޯވެފައިވަނީ "ބުލޫވޭގާ" ނަމަކަށް ކިޔާ ސަފާރީއެއްގަ އެވެ.
މި ހާދިސާގެ ރިޕޯޓް ލިބުނީ ރޭ ފަތިހު 03:42 ހާއިރު ކަމަށް އެމްއެންޑީއެފުން ބުނެ އެވެ.
އެމްއެންޑީއެފުން މިއަދު ހެނދުނު 9:04 ހާއިރު ބުނީ ސަފާރީގައި ރޯވި އަލިފާން ނިއްވުމަށް އަދިވެސް މަސައްކަތް ކުރަމުންދާ ކަމަށެވެ.
މި ހާދިސާގައި އެއްވެސް މީހަކަށް އަނިޔާއެއް ލިބިފައިވާ ކަމަށް މައުލޫމާތު ނުލިބޭ ކަމަށްވެސް އެމްއެންޑީއެފުން ބުނެ އެވެ.
މިހާދިސާ ހިނގަން މެދުވެރިވި ސަބަބެއް ނޭނގެ އެވެ.