ގއ. ކޫއްޑޫ އެއާޕޯޓުގެ ރަންވޭ މަރާމާތުކޮށް އަލުން ދަތުރުތައް ފަށައިފި އެވެ.
ކޫއްޑޫ އެއާޕޯޓަށް ގައުމީ އެއާލައިން -- މޯލްޑިވިއަން އިން ކުރަމުން ދިޔަ ދަތުރުތައް މެދުކަނޑާލީ އެ އެއާޕޯޓްގެ ރަންވޭ ވަރަށް ބޮޑަށް ހަލާކުވުމުންނެވެ.
ރަންވޭ މަރާމާތު ކުރުމުގެ މަސައްކަތް ނިމުމުން މޯލްޑިވިއަން އިން މިހާރު ވަނީ އެ އެއާޕޯޓަށް ޝެޑިއުލް ދަތުރުތައް ފަށާފަ އެވެ.
ޓްރާންސްޕޯޓް މިނިސްޓަރު މުހައްމަދު އަމީން މީގެ ކުރިން ވިދާޅުވި ގޮތުގައި ކޫއްޑޫ އެއާޕޯޓްގެ ރަންވޭގެ ހާލަތުގެ ސަބަބުން ދެ ބޯޓަކަށް ގެއްލުންވި އެވެ.
ދެހާސް ބާރަވަނަ އަހަރުގެ ތެރޭގައި ކޫއްޑޫ އެންމެ ފުރަތަމަ ހުޅުވިއިރު އެއީ ޑޮމެސްޓިކް އެއާޕޯޓެކެވެ. ނަމަވެސް އެއާޕޯޓަށް ޖެޓް ޖެއްސޭ ގޮތަށް ރަންވޭ ބޮޑުކޮށް އިތުރަށް ތަރައްގީކޮށް ކޫއްޑޫ އެއާޕޯޓް އަލުން ހުޅުވީ 2017 ވަނަ އަހަރު އެވެ.