ސީ-ޓު-އެއާ ކާގޯ ހިދުމަތުގެ ޑިމާންޑު އިތުރުވަމުންދާއިރު އެންމެ އިސްކަމެއްދެނީ އެ ދާއިރާ ރެގިއުލޭޓުކޮށް ކުރިއެރުވުމަށް ކަމަށް ޓްރާންސްޕޯޓް މިނިސްޓަރު މުހައްމަދު އަމީން ވިދާޅުވެއްޖެ އެވެ.
މިނިސްޓަރު އަމީން ސޯޝަލްމީޑިއާގައި ކުރެއްވި ޕޯސްޓެއްގައި ވިދާޅުވީ ސީ-ޓު-އެއާ ކާގޯ ހިދުމަތުގެ ޑިމާންޑު އިތުރުވެ ފުޅާވަމުން އަންނަ ކަމަށެވެ. ރާއްޖެއަކީ ޔޫރަޕާއި މެދު އިރުމަތީގެ ގައުމުތަކަށް ދަތުރުތައް ބާއްވާ ގައުމެއް ކަމަށް ވުމުން މުދާ އުފުލުމުގައި ފުރުސަތުތައް އިތުރު ވެފައިވާ ކަމަށްވެސް ވިދާޅުވި އެވެ.
"މުދާއުފުލުމުގެ ފުރުސަތުތަށް އިތުރު ވެފައިވާއިރު އެންމެ އިސްކަމެއް ދެނީ މިހިދުމަތް ރެގިއުލޭޓްކޮށް ފުޅާކުރަން،" އަމީން ވިދާޅުވި އެވެ.
ސީ-ޓު-އެއަރ ކާގޯ ހިދުމަތަކީ މިއަހަރުގެ މާޗް މަހުގެ ތެރޭގައި އެމްޕީއެލް އިން ތައާރަފްކުރި ހިދުމަތެކެވެ.
ފުރަތަމަ ޝިޕްމަންޓް ރާއްޖޭން ފޮނުވީ މިއަހަރުގެ މެއި މަހުގެ ތެރޭގަ އެވެ. މިހިދުމަތް މެދުވެރިކޮށް 13 ގައުމަކަށް މުދާ ފޮނުވާއިރު މި ހިދުމަތުގައި ބައިވެރިވާ އެއާ ލައިންތަކުގެ އަދަދު މިހާރު ވަނީ 7 އަށް އިތުރު ވެފަ އެވެ.