މަސްތުވާތަކެތި

ރާއްޖެ އައި މީހެއްގެ ލަގެޖުން މަސްތުވާތަކެތި ފެނިގެން ހައްޔަރުކޮށްފި

ފުލުހުން އަތުލައިގެންވާ މަސްތުވާތަކެތި ނައްތާލަނީ -- ފޮޓޯ: އަވަސް
100%
0%
0%

ރާއްޖެ އައި މީހެއްގެ ލަގެޖުން މަސްތުވާތަކެތި ފެނިގެން ހައްޔަރުކޮށްފި އެވެ.

މި މައްސަލައިގައި ހައްޔަރުކޮށްފައިވަނީ ތ. ކަނޑޫދޫ، މިދިލިމާގެ، ޔޫސުފް ޝާހީން (33 އ) އެވެ.

އޭނާގެ ބަންދާ މެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން އޭނާ ވަނީ މަސްތުވާތަކެތި ފެނުނު ލަގެޖަކީ އެ ފްލައިޓުން އައި އެހެން މީހެއްގެ ލަގެޖެއް ކަމަށް ބުނެފަ އެވެ.

އެކަމަކު ކޯޓުން ނެރެފައިވާ ބަންދުގައި އަމުރުގައި ބުނެފައިވަނީ އޭނާގެ މައްޗަށް ކުރާ ތުހުމަތާ ގުޅޭގޮތުން ކޮންމެވެސް ވަރެއްގެ ހެއްކާއި ގަރީނާ ހުށަހަޅާފައިވާ ކަމަށެވެ.

އެހެންވެ ކޯޓުން ވަނީ މި މައްސަލައިގައި ތުހުމަތުކުރެވޭ މީހާގެ ބަންދަށް 20 ދުވަސް ދީފަ އެވެ.

މި މީހާގެ ނަމުގައިވާ ލަގެޖުން ކިލޯއެއްގެ މަސްތުވާތަކެތި ފެނިފައިވާ ކަމަށްވެސް އަމުރުގައިވެ އެވެ.

މައްސަލައިގައި ތުހުމަތު ކުރެވޭ މީހާ މިމައްސަލައިގައި އެހެން މީހަކު ހިމެނޭ ކަމަށް ބުނާތީ އެކަން ތަހުގީގު ކުރަމުންދާ ކަމަށް ފުލުހުން ކޯޓުގައި ބުނެފައިވެ އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910