ބަންގްލަދޭޝްއާ އެކު ކުޅޭ އެކުވެރިކަމުގެ މެޗުތަކަށް ދިވެހި ގައުމީ ފުޓްބޯޅަ ޓީމުގެ ސްކޮޑަށް 20 އަހަރުން ދަށުގެ 3 ކުޅުންތެރިން ހޮވައިފި އެވެ.
ގައުމީ ޓީމުގެ ހެޑް ކޯޗު އަލީ ސުޒައިން ހޮވި ތިން ކުޅުންތެރިންނަކީ އަބްދުﷲ ލޫތު އިބްރާހިމް، މުހައްމަދު ޔާމީން އަދި މުޒްދާން ހަސަން އެވެ.
މިފަހަރުގެ ސްކޮޑުގައި އެންމެ ގިނަ ކުޅުންތެރިން ހިމެނެނީ މާޒިޔާ އިންނެވެ. އެގޮތުން މާޒިޔާގެ 14 ކުޅުންތެރިން މި ސްކޮޑުގައި ހިމެނެ އެވެ.
ބަންގްލަދޭޝްގެ ވެރިރަށް ދާކާގައި ކުޅުމަށް ހަމަޖެހިފައިވާ އެކުވެރިކަމުގެ މެޗުތައް ކުޅޭނީ މި މަހުގެ 13 އަދި 16 ވަނަ ދުވަހު އެވެ.
ދިވެހި ގައުމީ ޓީމު މިހާރު ތިބީވެސް ބަންގްލަދޭޝް ގައެވެ.