ގަލުފަޅުގެ ފަޅު ތެރޭގައި ލަގްޒަރީ ގެތަކެއް ތަރައްގީކުރުމުގެ މަޝްރޫއެއް ފަށަން ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އިން ނިންމައިފި އެވެ.
"ނޫވެލި- އައިލެންޑް ރިޓްރީޓް" އަކީ އެޗްޑީސީގެ "ޓްރާންސްފޯމިންގް ޓުމޯރޯ: ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ކީ ޕްރޮޖެކްޓްސް" ގެ ދަށުން ކުރިއަށް ގެންދާ މަޝްރޫއެކެވެ.
މާލެ އާއި 10 މިނެޓް ދުރުގައި އޮންނަ ގަލުފަޅުގައި ލެގޫން ވިއު ފެންނަ 31 ޔުނިޓާއި ހޮރައިޒަން ވިއު ފެންނަ 31 ޔުނިޓް އަދި 39 ގެސްޓް ވިލާ ތަރައްގީ ކުރަން ވަނީ ނިންމާފަ އެވެ.
މިތަނުގައި ވޯޓަ ސްޕޯޓްސް، ޑައިވް ސެންޓަރު، ރިކްރިއޭޝަނަލް ސްޕޭސެސް، ބޯލް ގޭމްސް އަދި ކޮމާޝަލް ޕްލާޒާ ހުންނާނެ އެވެ.
އޭގެ އިތުރުން އިވެންޓު ސްޕޭސްތަކާއި، ކޮންވެންޝަން ސެންޓަރާއި އެގްޒިބިޝަން ހޯލްސް އަދި ބެންކުއެޓް ހޯލްސް ހުންނާނެ ކަމަށް އެޗްޑީސީ އިން ބުނެ އެވެ.