ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުހައްމަދު، މ. ދިއްގަރަށް ވަޑައިގެން ދިއްގަރު ސިއްހީ މަރުކަޒުގެ ގައިންގަޔަށް ނާރާ ބަލިތަކުގެ ކްލިނިކް ހުޅުއްވައިދެއްވައިފި އެވެ.
މި ކްލިނިކް ހުޅުވައިދެއްވުމަށްފަހު މެޑަމް ސާޖިދާ ވަނީ ކްލިނިކް ބައްލަވާލައްވައި، ކްލިނިކުން ފޯރުކޮށްދޭ ހިދުމަތްތަކުގެ މައުލޫމާތު އޮޅުންފިލުއްވާފަ އެވެ.
ކްލިނިކް ބައްލަވާލެއްވުމަށްފަހު މެޑަމް ސާޖިދާ ދިއްގަރު ސިއްހީ މަރުކަޒުގެ އިއްޒަތްތެރިން ސޮއިކުރައްވާ ފޮތުގައި ސޮއިކުރައްވާފަ އެވެ.
މެޑަމް ސާޖިދާ ދިއްގަރަށް ކުރައްވާ މި ދަތުރުފުޅުގައި މިއަދު މެންދުރުފަހު ދިއްގަރު ސްކޫލުގައި ބާއްވާ ހަކުރުބަލީގެ ދުވަހުގެ ހާއްސަ ހަފްލާ ޝަރަފުވެރިކޮށްދެއްވާނެ އެވެ.