ރާއްޖެއަށް މިއަހަރުގެ މިހާތަނަށް ޒިޔާރަތްކުރި ފަތުރުވެރިންގެ 64.7 ޕަސެންޓަކީ ރާއްޖޭގެ ފަތުރުވެރިކަމުގެ މާކެޓްގެ ގަދަ 10 ގައުމުން ޒިޔާރަތްކުރި ފަތުރުވެރިންކަން ހާމަވެއްޖެ އެވެ.
ޓޫރިޒަމް މިނިސްޓްރީގެ ތަފާސްހިސާބުތަކަށް ބަލާއިރު މިމަހުގެ 18 ވަނަ ދުވަހުގެ ނިޔަލަށް ޖުމްލަ ރާއްޖެއަށް 1.76 މިލިއަން ފަތުރުވެރިން ޒިޔާރަތްކޮށްފައިވެ އެވެ.
މީގެ ތެރެއިން 1.1 މިލިއަން ފަތުރުވެރިންނަކީ މާކެޓްގެ ގަދަ 10 ގައުމުން ޒިޔާރަތްކުރި ފަތުރުވެރިންނެވެ.
ފަތުރުވެރިކަމުގެ ގަދަ 10 ގައުމު
- ޗައިނާ - 246،100 ފަތުރުވެރިން
- ރަޝިއާ - 198،600 ފަތުރުވެރިން
- އިނގިރޭސިވިލާތް - 153،800 ފަތުރުވެރިން
- ޖަރުމަނު - 136،800 ފަތުރުވެރިން
- އިޓަލީ - 120،200 ފަތުރުވެރިން
- އިންޑިއާ - 107،900 ފަތުރުވެރިން
- އެމެރިކާ - 59،100 ފަތުރުވެރިން
- ފްރާންސް - 46،700 ފަތުރުވެރިން
- ސްޕެއިން - 41،600 ފަތުރުވެރިން
- ސްވިޓްޒަލޭންޑް - 35،200 ފަތުރުވެރިން
ޓޫރިޒަމް މިނިސްޓްރީގެ ތަފާސްހިސާބުތަކަށް ބަލާއިރު ރާއްޖެއަށް މިއަހަރުގެ މިހާތަނަށް ޒިޔާރަތްކުރި ފަތުރުވެރިންގެ އަދަދު މިދިޔަ އަހަރުގެ މި މުއްދަތަށްވުރެ 9.3 ޕަސެންޓް އިތުރުވެފަ އެވެ. މިދިޔަ އަހަރުގެ މި މުއްދަތުގައި ރާއްޖެ އައީ 1.61 މިލިއަން ފަތުރުވެރިންނެވެ.
ރާއްޖޭގައި ފަތުރުވެރިކަމަށް މި ވަގުތު 1،242 ތަނެއް ދަނީ ހިންގަމުންނެވެ. މީގެ ތެރޭގައި 171 ރިސޯޓާއި 903 ގެސްޓްހައުސް އާއި 154 ސަފާރީ އަދި 14 ހޮޓާ ހިމެނެ އެވެ.