އިއާދަކުރަނިވި ހަކަތައާއެކު ވ. ރަކީދޫގައި ޖަނަރޭޓަރު ހިންގަން ޖެހެނީ ކޮންމެ ދުވަހަކުވެސް އެންމެ ދެ ގަޑިއިރަށް ކަމަށް ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ ވިދާޅުވެއްޖެ އެވެ.
އެކްސްގައި ކުރެއްވި ޕޯސްޓެއްގައި ފަހުމީ ވިދާޅުވި ގޮތުގައި ވ. ރަކީދޫއަށް މިހާރު ކަރަންޓު ފޯރުކޮށްދެނީ ހައިބްރިޑް ޕީވީ-ބީއީއެސްއެސް-ޑީޖީ ސިސްޓަމުންނެވެ.
ސޯލާ އަދި ބެޓެރި ސްޓޯރޭޖާއެކު އެ ރަށަށް ކަރަންޓު ދޭން ޖަނަރޭޓަރު ހިންގަން ޖެހެނީ ދުވާލަކު ދެ ގަޑިއިރަށް ކަމަށް ފަހުމީ ވިދާޅުވި އެވެ.
ރަކީދޫގައި މިމަހުގެ 24 ވަނަ ދުވަހު ކަރަންޓު ބޭނުންކުރި މިންވަރާއި ސޯލާއިން ކަރަންޓު އުފައްދާ ފޯރުކޮށްދިން މިންވަރާއި ބެޓެރިން ކަރަންޓު ފޯރުކޮށްދޭ މިންވަރާއި ވަގުތުގެ އިތުރުން ޖަނަރޭޓަރުން ކަރަންޓު ފޯރުކޮށްދޭ މިންވަރު ފެންނަ ޗާޓެއް ފަހުމީ ވަނީ ހިއްސާކުރައްވާފަ އެވެ.
ފަހުމީ ވަނީ ހަކަތައިގެ 33 ޕަސެންޓް އިޔާދަކުރަނިވި ހަކަތައަށް ހެދުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރައްވާ މަސައްކަތަށް ޝުކުރު އަދާކުރައްވާފަ އެވެ.