އެމެރިކާގެ އިންތިޚާބީ ރައީސް، ޑޮނަލްޑް ޓްރަމްޕާއި، ފޭސްބުކްގެ ވެރިޔާ މާކް ޒަކަބާގް މިދާކަށް ދުވަހު -- ޓްރަމްޕްގެ ފްލޮރިޑާ ގަނޑުވަރު، މާރަލާގޯގައި ބައްދަލުކުރެއްވި ޚަބަރު އިވުނީ ހައިރާންކުރަނިވި ގޮތަކަށެވެ.
ޓްރަމްޕާއި ޒަކަބާގް ބައްދަލުކުރައްވައި ދެއްކެވި ވާހަކަައް އޭރު އާންވުނުވި ނަމަވެސް، ޚަބަރުތައް މިހާރު ނިއުޅެމުންދާ ގޮތުން، މި ދެވެރިން މަޝްވަރާކުރެއްވި ބައެއް ކަންތައްތައް މިހާރު އަންނަނީ ތިލަވަމުންނެވެ.
ޑޮނަލްޑް ޓްރަމްޕްގެ ރިޔާސީ ފުރަތަމަ ދައުރު ނިމެނިކޮށް ހިނގާދިޔަ ހާދިސާތަކުގައި -- ޓްރަމްޕަށް ތާއީދުކުރާ ބަޔަކު، އެމެރިކާގެ ގާނޫންހަދާ މަޖިލީހަށް ވަދެގަތް ހާދިސާއާ ގުޅިގެން މާކް ޒަކަބާގް ވަނީ ފޭސްބުކާއި އިންސްޓާގްރާމްގައި ޓްރަމްޕް ބޭނުންކުރެއްވި އެކައުންޓް ބަންދުކޮށްފަ އެވެ.
ޓްރަމްޕަށް އެ ފަހަރު ރިޔާސީ އިންތީޚާބު ގެއްލިވަޑައިގަތް ނަމަމެސް، އޭގެ ހަތަރު އަހަރު ފަހުން މިއަހަރު ޓްރަމްޕް ވަނީ އެމެރިކާގެ ރައީސްގެ ދެވަނަ ދައުރަށް ހޮވިވަޑައިގެންފަ އެވެ.
ކަންތައްތައް މި ގޮތަށް ހިނގައި ގޮސްފައި ވަނިކޮށް، މާކް ޒަކަބާގްގެ އަމިއްލަ އިސްނެންގެވުމަށް ޓްރަމްޕާ ބައްދަލުކުރެއްވުމުން ގިނަ ބަޔަކު ހީކުރީ -- ޓްރަމްޕް ފަރާތުން މާކް ޒަކަބާގްއަށް އަތުވެދާނެ އުގޫބާތަކުން ހިމާޔަތް ހޯއްދެވުމަށް ދެވެރިން މަޝްވަރާކުރެއްވީ ކަމަށެވ.
ނަމަވެސް، ރިޕޯޓްތައް ބުނާ ގޮތުން، މާކް ޒަކަބާގް ވަނީ ޓްރަމްޕާ ބައްދަލުކުރައްވައި، އޭނާގެ ސަރުކާރަށް އެއްބާރުލުން ދެއްވާނެ ކަމަށް ވިދާޅުވެފަ އެވެ. އަދި ކުރިއަށް އޮތް ޓެކް ސިނާއަތްތައް ބައްޓަންކުރުމަށް -- ޓްރަމްޕް ސަރުކާރުން ހަރަކާތްތެރި ދައުރަކަށް ޒަކަބާގް އެދިވަޑައިގެންނެވި ކަމަށް ޚަބަރުތައް ބުނެ އެވެ.
ޒަކަބާގްގެ މި ހުށަހެޅުއްވުން ޓްރަމްޕަށް ވަރަށް ކަމުދިޔަ ކަމަށްވެސް ޚަބަރުތައް ބުނެ އެވެ.