ޗައިނާ އިން ކ. ގުރައިދޫ ކައުންސިލަށް ސޯލާ މަގުބައްތި ހަދިޔާކޮށްފި އެވެ.
ރާއްޖޭގައި ހުންނަވާ ޗައިނާ ސަފީރު އިސްނަންގަވައިގެން ގުރައިދޫ ހަދިޔާ ކުރީ 100 ބައްތި އެވެ.
ބައްތިތައް ހަވާލުކުރީ ސްޓެލްކޯގެ އޮޑިޓޯރިއަމް އިއްޔެ މިކަމަށްޓަކައި ބޭއްވި ހާއްސަ ރަސްމިއްޔާތެއްގައެވެ.
ޗައިނާ ސަރުކާރުގެ ފަރާތުން ޗައިނާ ސަފީރު ވަންގް ލީޒިން ހަދިޔާކުރި ބައްތިތަކާ ހަވާލުވެވަޑައިގަތީ ލޯކަލް ގަވަރުމަންޓް މިނިސްޓަރު އާދަމް ޝަރީފް އުމަރެވެ.
މިރަސްމިއްޔާތުގައި ލިޒިން ވިދާޅުވީ ރާއްޖެއާއި ޗައިނާއާ ދެމެދު އޮތީ ވަރަށް ހަރުދަނާ ޒަމާންވީ ގުޅުމެއް ކަމަށެވެ. ޗައިނާ އިން އަބަދުވެސް މަސައްކަތް ކުރާނީ ދިވެހީންގެ ދިރިއުޅުމަށް ލުއި ފަސޭހަ ވާނެ ކަންކަން ކޮށްދިނުމަށް ކަމަށްވެސް ވިދާޅުވި އެވެ.