ރ. އުނގޫފާރު ރީޖަނަލް ހޮސްޕިޓަލުގައި އެމްއާރްއައިގެ ހިދުމަތް ފަށައިފި އެވެ.
މި ހިދުމަތް ރޭ ފައްޓަވައިދެއްވީ އެ ހޮސްޕިޓަލްގައި ބޭއްވި ރަސްމިއްޔާތެއްގައި ހެލްތު މިނިސްޓަރު އަބްދުﷲ ނާޒިމް އިބްރާހީމް އެވެ.
މިރަސްމިއްޔާތުގައި މިނިސްޓަރު ނާޒިމް ވަނީ އުނގޫފާރު ހޮސްޕިޓަލް، ޓާޝަރީ ފެންވަރަށް ހިދުމަތް ދޭ ތަނަކަށް ހަދާނެ ކަމުގެ ޔަގީންކަން ދެއްވާފަ އެވެ.
އެމްއާރްއައިގެ ހިދުމަތް ދޭން ފެށުމަކީވެސް ޓާޝަރީ ފެންވަރަށް ހޮސްޕިޓަލް ބަދަލުކުރުމަށް ކުރާ މަސައްކަތެއް ކަމަށްވެސް މިނިސްޓަރު ވިދާޅުވި އެވެ.
މިރަސްމިއްޔާތުގައި ވަނީ ހުޅުތަކުގައި ރިއްސާ މީހުންނަށް ހާއްސަކޮށްގެން ޕްލެޓްލެޓް ޕްލާސްމާ ޓްރީޓްމަންޓް (ޕީއާރްޕީ)ގެ ހިދުމަތްވެސް ފަށާފަ އެވެ.
އުނގޫފާރު ރީޖަނަލް ހޮސްޕިޓަލްގައި މީގެކުރިން ސިޓީ ސްކޭންގެ ހިދުމަތް ފަށައި، ރިޕްރޮޑަކްޓިވް ހެލްތު ސެންޓަރާއެކު "ވެލްވުމަން" ކްލިނިކެއް ހުޅުވުމުގެ އިތުރުން ލެޕަރޮސްކޮޕިކް ސާޖަރީއާއި އެހެން ބައެއް ހިދުމަތްތައްވެސް ފަށާފައިވެ އެވެ.