އިންޑިއާއަށް ދޫކޮށްފައި ހުރި ސްޓާލިންކް ބީމްތައް ބޭނުންނުކުރާ ކަމަށް އެކްސް ކޯޕްގެ ވެރިޔާ އަދި ޓެސްލާގެ ޗެއާމަން އީލޮން މަސްކް ވިދާޅުވެއްޖެ އެވެ.
އެކަމަކު ސްޓާލިންކް ޓެލެކޮމިއުނިކޭޝަން އަދި އިންޓަނެޓް ވަސީލަތްތައް އިންޑިއާގައި ބޭނުންނުކުރާ ސަބަބެއް އޭނާ ވިދާޅެއް ނުވެ އެވެ.
އީލޮން މަސްކް މި މޭރުމުން އެކްސްގައި މެސެޖްކުރައްވައި ވިދާޅުވި ސަބަބަކީ، އިންޑިއާގެ މަނިޕޫރުގައި ސްޓާލިންކް ބޭނުންކުރާ ކަމަށް ސޯޝަލް މީޑިއާގައި ދެކެވުނު ވާހަކަތަކާ ގުޅިގެންނެވެ.
މި ޚަބަރާ ބެހޭ ގޮތުން ލިބެން ހުރި މައުލޫމާތަށް ބަލާއިރު، ސްޓާލިންކް ސެޓެލައިޓް ބީމްތައް ނިއްވާލާފައި ވަނީ އިންޑިއާ އެދިގެން ކަމެއް ނުވަތަ މަސައްކަތް ނުނިމޭތީ އަދި ނުދެނީ ކަމެއް މުޅިން ސާފެއް ނުވެ އެވެ.
އިންޑިއާއަށް ސްޓާލިންކް ދިނުމަށްޓައި އީލޮން މަސްކްގެ ކުންފުނިން ހުއްދަ ހޯދަން މަސައްކަތްކުރި ޚަބަރުތަކެއް ވެސް ދުވަސްކޮޅެއް ކުރިން ވަނީ ފެތުރިފަ އެވެ.
އިންޑިއާ އަކީ ވެސް ޓެކްނޮލިޖީ ސިނާއަތުގައި ވަރަށް ބާރުގަދަ ގައުމެކެވެ. މިހެން ކަން އޮތުމުން، އީލޮން މަސްކްގެ ސްޓާލިންކް ސެޓެލައިޓްތަކުން އިންޑިއާއަށް ބީމްކުރާ ލިންކްތަކުން ޖާސޫސްކުރުން ފަދަ ހަރަކާތެއް ހިންގުން އިންޑިއާއަށް ވަނީ ބޮޑު ކަމަކަށެވެ.
އަދި އިންޑިއާއަށް ސިއްރުން މިފަދަ ހަރަކާތެއް ހިންގުމަކީ އެމެރިކާއަށް ވެސް ފަސޭހަ ކަމަކަށް ނުވާނެ އެވެ.