އަބްދުއްރަހީމް އިންޑިއާއަށް ވަޑައިގަންނަވަނީ

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ ރަސްމީ ދަތުރެއްގައި އިންޑިއާއަށް ވަޑައިގަންނަވާ ގޮތަށް ހަމަޖެހިއްޖެ އެވެ.

މިއީ ރައްޔިތުންގެ މަޖިލީހުގެ ރައީސްކަމާ އަބްދުއްރަހީމް ހަވާލުވެވަޑައިގަތް ފަހުން އެމަނިކުފާނު އިންޑިއާއަށް ކުރައްވާ ފުރަތަމަ ދަތުރެވެ.

އަބްދުއްރަހީމް އިންޑިއާއަށް ވަޑައިގަންނަވާ ކަމަށް ހާމަކުރައްވާފައިވަނީ އިންޑިއާގެ އެކްސްޓާނަލް އެފެއާޒް މިނިސްޓްރީގެ ސްޓޭޓް މިނިސްޓަރު ޕަބިތުރާ މާގެރިޓާ އެވެ.

އޭނާ ވިދާޅުވި ގޮތުގައި އަބްދުއްރަހީމް އިންޑިއާއަށް ވަޑައިގަންނަވަނީ އަންނަ އަހަރުގެ ފެބްރުއަރީ 10 އިން 14 އަށެވެ.

އަބްދުއްރަހީމްގެ މިދަތުރަކީ އިންޑިއާ އިން އަވަށްޓެރި ގައުމުތަކުގެ ގާނޫނު ހަދާ މަޖިލިސްތަކާ އެކު ގުޅުން ބަދަހިކުރުމަށް ކުރާ މަސައްކަތްތަކުގެ ދަށުން ކުރައްވާ ދަތުރެކެވެ.