ކޮވިޑް-19ގެ ތެރޭގައި ކުރީ ސަރުކާރުން ދިން، އިންކަމް ސަޕޯޓް، ކަނޑައެޅިފައިވާ އަދަދަށްވުރެ އިތުރަށް ޖަމާކުރެވުނު އަންހެނެއްގެ އަތުން އެ ފައިސާ ހޯދުމަށް ހުކުމެއްކޮށްފި އެވެ.
ކޮވިޑް ދުވަސްވަރު، އިންކަމް ސަޕޯޓްގެ ގޮތުގައި ސަރުކާރުން ފައިސާ ދިނީ، އާމްދަނީއަށް ނުރަނގަޅު އަސަރުކޮށްފައިވާ މީހުންނަށެވެ.
އޮޅިގެން، ޖަމާކުރެވުނު ފައިސާއަކީ މިހާރު ޕީއެންސީގެ ދަފްތަރުގައި އޮތް އަންހެނަކަށް އިކޮނޮމިކް މިނިސްޓްރީއަށް އިތުރަށް ޖަމާކުރެވުނު 18،000 ރުފިޔާއެވެ.
މި ފައިސާ އެ އަންހެން މީހާގެ އަތުން އަނބުރާ ހޯދަން، ދައުލަތުން ދައުވާ ކުރުމުން ސިވިލް ކޯޓުންވަނީ އެ އަންހެން މީހާގެ މައްޗަށް ދެ ހަފުތާ ތެރޭގައި އެ ފައިސާ އަނބުރާ ރައްދު ކުރަން ހުކުމްކޮށްފަ އެވެ.
މ. އޮކްސިޑެންޓްވލާ މަރިޔަމް ހަމްނާ ނަމަކަށް ކިޔާ އަންހެން މީހާގެ މައްޗަށް އެ ހުކުމް ސިވިލް ކޯޓުން އިއްވާފައިވަނީ އެ އަންހެން މީހާގެ ގައިރު ހާޒިރުގައެވެ.