މޯލްޑިވިއަންގެ ފުރަތަމަ ވައިޑް-ބޮޑީ އެއާކްރާފްޓް -- އޭ330 މަތިންދާބޯޓު މިއަދު ރާއްޖެ ގެެނެސްފި އެވެ.
މި ބޯޓު ވެލާނާ އިންޓަނޭޝަނަލް އެއާޕޯޓް (ވީއައިއޭ)ގައި ޖެއްސުމުގެ ކުރިން މޯލްޑިވިއަންގެ ފްލީޓްގައި ހިމެނޭ ބޯޓުތައް ވަނީ އެއާ ޝޯއެއް ދައްކާލާފަ އެވެ.
ވައިޑް-ބޮޑު އެއާކްރާފްޓް ވީއައިއޭގެ ރަންވޭގައި ޖެއްސިއިރު އެ މަންޒަރު ބައްލަވާލެއްވުމަށް ރައީސް ޑރ. މުހައްމަދު މުއިއްޒު ވީއައިއޭގައި ހުންނެވި އެވެ.
ވައިޑް-ބޮޑީ އެއާކްރާފްޓްތައް ރާއްޖެ ގެނެސް މޯލްޑިވިއަންގެ ދަތުރުތައް ދުރު މަންޒިލްތަކަށް ދަތުރުކުރުމަކީ ރައީސް ޑރ. މުއިއްޒުގެ ރިޔާސީ ވައުދެކެވެ.
ވައިޑް ބޮޑީ މަތިންދާ ބޯޓެއް ހޯދީ ދުރު މަންޒިލްތަކަށް ދަތުރުކޮށް އިތުރު ޓޫރިސްޓުން ރާއްޖެ ގެނައުމަށް އަމާޒުކޮށްގެން ކަމަށް މޯލްޑިވިއަން އިން ވެސް ވަނީ ބުނެފަ އެވެ.