ގ. އުފުރިޔާގައި ރޯވި އަލިފާންގަނޑު ނިއްވާލައިފި އެވެ.
މިރޭ 11:30 ހާއިރު އަލިފާން ރޯވީ އެ ގޭގެ ހަވަނަ ފަންގިފިލާގެ އެޕާޓްމަންޓް ބީ ގައެވެ.
އަލިފާން ރޯވިތާ 30 އަކަށް މިނެޓް ތެރޭގައި ސިފައިން ވަނީ އަލިފާންގަނޑު ނިއްވާލާފަ އެވެ.
އަލިފާން ރޯވި ނުވަ ފަންގިފިލާގެ އިމާރާތަކީ މާލޭގައި މަޝްހޫރު އިހްސާން ފިހާރައިގެ ފިހާރައެއްވެސް ހިންގާ އިމާރާތެކެވެ.
އަލިފާނުގެ މިހާދިސާގައި އެއްވެސް މީހަކަށް ގެއްލުމެއް ލިބިފައި ނުވި ނަމަވެސް އަލިފާން ރޯވި އެޕާޓްމަންޓަށް ކޮންމެވެސް ވަރެއްގެ ގެއްލުންތަކެއް ލިބިފައިވެ އެވެ.
އަލިފާން ރޯވާން ދިމާވި ސަބަބެއް އެނގިފައެއް ނުވެ އެވެ.
