އެކި އެކި މައްސަލަތަކުގައި 122 ފަހަރު ހައްޔަރުކޮށްފައިވާ މީހަކު، ޓްރިމަރަކާއި، ފަސް ފޮށި ގަލަން ވަގަށް ނަގައިގެން ހައްޔަރުކޮށްފި އެވެ.
ޓްރިމަރަކާއި ފަސް ފޮށި ގަލަން ވަގަށް ނަގައިގެން ހައްޔަރުކޮށްފައިވަނީ، ތ. ތިމަރަފުށީ ލަކީހައުސް ސަފްވާން އަލީއެވެ.
ރެކޯޑްތައް ދައްކާ ގޮތުން އެކިއެކި މައްސަލަތަކުގައި އެތައް ފަހަރަކު އޭނާ ހައްޔަރުކޮށްފައިވެ އެވެ.
ރަސްފަންނު ބީޗުން ދަބަހެއް ވަގަށް ނަގައިގެން މިދިޔަ އަހަރު ފަހުކޮޅުވެސް އޭނާ ހައްޔަރުކުރި އެވެ.
ސަފްވާން ހައްޔަރުކޮށް ކޯޓަށް ހާޒިރުކުރުމުން އޭނާގެ ބަންދަށް ފަސް ދުވަސް ޖަހާފައިވެ އެވެ.
އެކިއެކި މައްސަލަތަކުގައި 122 ފަހަރު ކުރިން އޭނާ ހައްޔަރުކޮށްފައިވާކަން އޭނާގެ ބަންދު އަމުރު ރިޕޯޓުގައިވެސް ގާޒީ ފާހަގަ ކުރައްވާފައިވެ އެވެ.