ސައިކަލެއް ފޭރުނުކަމުގެ ތުހުމަތުގައި ކުރިން ހައްޔަރު ކުރި މީހަކު، މާރާމާރީއެއްގެ މައްސަލަގައި އަނެއްކާވެސް ހައްޔަރުކޮށްފި އެވެ.
މާރާމާރީއެއްގެ މައްސަލައިގައި އިއްޔެ ވަގުތެއްގައި ހައްޔަރުކުރީ މ. މާކަނާ އުމުރުން 30 އަހަރުގެ އަޙްމަދު ޝައިރަފް އަބްދުއްރަހީމްއެވެ.
އޭނާ ހައްޔަރުކޮށް ކޯޓަށް ހާޒިރު ކުރުމުން 10 ދުވަހަށް ބަންދުކޮށްފައި ބެހެއްޓުމަށް ވަނީ އަމުރުކޮށްފަ އެވެ.
ރެކޯޑްތަކުން ދައްކާ ގޮތުގައި އަހްމަދު ޝައިރަފް އަބްދުއްރަހީމްއަކީ ސައިކަލެއް ފޭރުނު މައްސަލައިގައި މިދިޔަ އަހަރު ހައްޔަރު ކުރި މީހެކެވެ.
އޭރު ފުލުހުން ބުނެފައިވަނީ އެއް ދުވަހުގެ ފަތިހުގެ ވަގުތުގައި ގުލާބީމަގުން ސައިކަލެއް ފޭރުނު މައްސަލައެއްގައި މީހަކު ހައްޔަރުކޮށްފައިވާ ކަމަށެވެ. އެ މީހަކީ އަހްމަދު ޝައިރަފް އަބްދުއްރަހީމް ކަމަށް ފުލުހުން އޭރު ބުންޏެވެ.
ސައިކަލު ފޭރުނު މައްސަލަގައި އޭރު އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުން 15 ދުވަހަށް އޭނާ ބަންދުކުރުމަށް އޭރުވެސް ކޯޓުން ވަނީ މުއްދަތު ޖެހި އެވެ.