އެމެރިކާގެ 51 ވަނަ ސްޓޭޓަށް ވުމަށް އެމެރިކާގެ ރައީސް ޑޮނަލްޑް ޓްރަމްޕް، ކެނެޑާއަށް ގޮވާލެއްވި ގޮވާލެއްވުމަށް އިޝާރާތްކުރައްވައި، ކެނެޑާގެ ބޮޑުވަޒީރު ޖަސްޓީން ޓްރޫޑޯ ވިދާޅުވީ އެއީ ބާތިލު ގޮވާލެއްވުމެއް ކަމަށެވެ.
އެއީ އުފަން ނުވާ ޚިޔާލެއް ކަމަށް ޓްރޫޑޯ ވިދާޅުވި އެވެ. ޓްރަމްޕް ވިދާޅުވާ ކޮންމެ ވިދާޅުވުމެއްގައި އަމަލީ ސިފަޖެހެން ނުޖެހޭ ކަމަށްވެސް އޭނާ ވިދާޅުވި އެވެ.
އެމެރިކާގެ ރައިސްގެ މަގާމަށް ވަޑައިގަތުމާ ގުޅިގެން ޑޮނަލްޑް ޓްރަމްޕް ވަނީ ދުނިޔެ ހިނގުމަށް އިންސާނުން އުފައްދާފައި ހުރި ޖަމިއްޔާތަކަށާއި ގާނޫނުތަކަށް ގޮންޖައްސަވާފަ އެވެ.
ޒަމާނުއްސުރެ ބޭނުންކުރަމުން އައި ތަންތަނުގެ ނަންތައް ބަދަލުކޮށް، އެމެރިކާ ހިމާޔަތްކޮށް ޝަރަފުވެރިކުރުމަށް ޓްރަމްޕް ވަނީ އަވަސް ފިޔަވަޅުތަކެއް އަޅުއްވާފަ އެވެ.
ކެނެޑާ އަކީ އެމެރިކާގެ 51 ވަނަ ސްޓޭޓަށް ވުމަށް ކުފޫހަަމަވާ ގައުމެއް ކަމަށްވެސް ޓްރަމްޕް ވިދާޅުވި އެވެ. އެމެރިކާގެ ބެލެނިވެރިކަމުގައި ކެނެޑާ މީހުން ތިބޭނީ އުފަލުން ފޮޅިފައި ކަމަށްވެސް އޭނާ ވިދާޅުވި އެވެ.
ކެނެޑާގެ ބޮޑުވަޒީރު ޓްރޫޑޯ ވިދާޅުވި ގޮތުން އެމެރިކާއަށް ދިރުވާލެވޭ ވަރަށް ވުރެ ކެނެޑާ ބިޔަ އެވެ. ދިޔާ އެއްޗަކާ އެކުވެސް އެމެރިކާއަށް ކެނެޑާ ދިރުވައި ނުލެވޭނެ ކަމަށް އޭނާ ވިދާޅުވި އެވެ.
ކެނެޑާ އަމިއްލަކުރަން ޓްރަމްޕް ގެންގުޅުއްވާ ވިސްނުމަކީ އުފެދިގެން ވާނެ ވިސްނުމެއް ނޫން ކަމަށް ޓްރޫޑޯ ވިދާޅުވި އެވެ.
ޓްރަމްޕް ދެކެވަޑައިގަންނަވާ ގޮތުގައި އެމެރިކާއާ ނުލައި ދެމިއޮތުމަކީ ކެނެޑާއަށް ކުރެވޭނެ ކަމެއް ނޫނެވެ. އެމެރިކާއިން ސަބްސިޑީޒް ގޮތުގައި ކެނެޑާއަށް ދޭ އެތައް ބިލިއަން ޑޮލަރު ހުއްޓާލައިފި ނަމަ، ކެނެޑާ ހާލުގައި ޖެހޭނެ ކަމަށްވެސް ޓްރަމްޕް ވިދާޅުވި އެވެ.
އެމެރިކާގެ 51 ވަން ސްޓޭޓްގެ ގޮތުގައި ކެނެޑާ އޮންނަހާ ހިނދަކު ޓެކްސް ދައްކަން ނުޖެހޭނެ ކަމަށް ޓްރަމްޕް ވިދާޅުވި އެވެ. އަދި އަސްކަރީ ހޭދަ ސުމަކަށް ވެއްޓޭނެ ކަމަށްވެސް އޭނާ ވިދާޅުވި އެވެ.
