ނިއުކާސަލް ޔުނައިޓެޑުން 70 އަހަރުގެ ދިގު އިންތިޒާރަކަށްފަހު ކަރަބާއޯ ކަޕް ފައިނަލްގައި ލިވަޕޫލް 2-1 އިން ބަލިކޮށް، ތަށި އުފުލާލައިފި އެވެ.
މި މެޗު ކުޅުނީ ލަންޑަންގައި ހުންނަ އިނގިރޭސި ރަސްމީ ސްޓޭޑިއަމް -- ވެމްބްލީގައެވެ.
މެޗު ބެލުމަށް 88,000 އަށް ވުރެ ގިނަ ސަޕޯޓަރުން ދަނޑަށް ވަދެފައިވެ އެވެ. މެޗުގެ ފުރަތަމަ ހާފުގައި ނިއުކާސަލްގެ ޑޭން ބާން ވަނީ ލަނޑެއް ޖަހައި، ޓީމަށް ލީޑު ހޯދައި ދީފަ އެވެ.
ދެވަނަ ހާފުގައި ސްވިޑިޝް ސްޓްރައިކަރު އެލެގްޒެންޑާ އިސާކް ވަނީ ނިއުކާސަލްގެ ދެވަނަ ލަނޑު ޖަހައި، ކާމިޔާބީގެ މަގު އިތުރަށް ފުޅާކޮށްދީފަ އެވެ.
ލިވަޕޫލަށް ލަނޑެއް ޖެހުނީ މެޗުގެ އިތުރު ވަގުތުގައި ކަމުގައިވާތީ އެ ޓީމަށް ވަނީ ނަތީޖާ އަނބުރާލެވޭ ވަރުގެ ވަގުތު ނުލިބިފަ އެވެ.
1955 ވަނަ އަހަރުން ފެށިގެން ނިއުކާސަލްއަށް އެއްވެސް މުބާރާތެއް ކާމިޔާބެއް ނުކުރެވެ އެވެ. މި ކާމިޔާބީއާއެކު، އެ ޓީމުގެ ތާރީހުގައި އައު ސޮފްހާއެއް ހުޅުވިއްޖެ ކަމަށް ބެލެވެ އެވެ.
މެޗު ނިމުމާ އެކު ނިއުކާސަލް އިން ވަނީ ބަޔާނެއް ނެރެ، ސަޕޯޓަރުންނަށް މި ކާމިޔާބީގެ އުފާ ހިއްސާކޮށްފަ އެވެ.
ނިއުކާސަލް ޔުނައިޓެޑްގެ މެނޭޖަރު ބުނީ، މިއީ ނިއުކާސަލްގެ ސަޕޯޓަރުންނަށް ޝުކުރުވެރިވުމުގެ ގޮތުން ދެވުނު ހަދިޔާއެއް ކަމަށެވެ.
