މިއަންމާއަށް 7.7 މެގްނިޓިއުޑްގެ ބާރުގަދަ ބިންހެލުމެއް އަތުވެއްޖެ އެވެ. މި ބިންހެލުމުގެ ލޮންޅުންތައް އަވައްޓެރި ބައެއް ގައުމުތަކަށް -- ޚާއްސަކޮށް ތައިލޭންޑަށް އަރައި ވަނީ ބޮޑެތި ގެއްލުންތަކެއް ލިބިފަ އެވެ.
ސޯޝަލް މީޑިއާތަކުގައި ހުރި ވީޑިއޯތަކުން ފެންނަ ގޮތުން، ތައިލޭންޑްގައި އިމާރާތްކުރަން ފަށފައި ހުރި ސްކައިސްރޭޕާއެއް ވަނީ ބިމާ ހަމަވެފަ އެވެ. ޚަބަރުތައް ބުނާ ގޮތުން މި ހާދިސާގައި އިމާރާތުގެ ތެރޭގައި 43 މީހަކު ވަނީ ތާށިވެފަ އެވެ. ބެލެވޭ ގޮތުގައި މިއީ އިމާތްކުރަން އުޅުޅު މީހުންނެވެ.
އެެމެރިކާގެ ޖިއޮލޮޖިކަލް ސާވޭއިން ބުނި ގޮތުން މިއައަންމާއަށް އެކުއެކީގައި ދެ ބިންެހެލުމެއް އައެވެ. ފުތަމަ 7.7 މެގްނިޓިއުޑްގެ ބިންހެލުމަކަށް ފަހު 6.4 މެގްނިޓިއުޑްގެ ބިންހެލުމެއް -- ހަމަ އެ ސަރަހައްދަށް އައި ކަމަށް އެ އިދާރާއިން ބުންޏެވެ.
މަންޒަރު ދުށް މީހުން ބުނާ ގޮތުން މިއަންމާގައި އެތައް އިމާރާތެއް ބިމާހަމަވި އެވެ. އަދި ބިންގަޑު ކަނޑައިގެން ގޮސް، ތާރު މަގުތަކުގައި ބޮޑެތި ވަޅުގަނޑުތައް ހެެދިފައި ހުރި ކަމަށް އޭއެފްޕީން ވަނީ ރިޕޯޓްކޮށްފަ އެވެ.
މިއަންމާގައި އެންމެ ބޮޑަށް ގެއްލުން ލިބިފައި ވަނީ ގައުމުގެ މެދުތެރެއަށް ކަމަށް ޚަބަރުތައް ބުނެ އެވެ. ލިބިފައި ހުރި ގެއްލުންތަކުގެ ގެރޭގައި، އިރާމާތްތަކަށް ލިބުނު ގެއްލުންތަކުގެ އިތުރުން މުވާސަލާތީ އެންޓަނާތައް ބިނދި، ވަނީ ބިމަށް ވެއްޓިފަ އެވެ.
މި ހާދިސާގައި އެންމެ ބޮޑަށް ގެއްލުން ލިބިފައި ވަނީ ބިނާރަކަށެވެ. ބިންހެލުމުގައި އެރި ލޮޅުމުގެ ސަބަބުން ބަޔަކަށް ޒަޚަމްތަކެއް ލިބުނު ނަމަވެސް، އެއްވެސް މީހަކު މަރުވިކަން އަދި ސާފެއް ނުވެ އެވެ.
